أضف سؤال أو موضوع جديد          

ماهي افضل شاحنه للاستخدامها قلاب

up 2 down 0
fars--1111 14
قبل 6 سنه و 8 شهر



اخواني اعضاء موقع حراج


السلام عليكم ورحمة الله وبركاته


اخواني عندي استفسار بسيط
انا ناوي اخذ قرض من البنك اشتري تريله قلاب وادخله بشركه والسواق موجود عندي ابغا اعرف وش افضل نوع للاستخدامه قلاب وش رايكم بالبوز القديم هوافضل والا البي وهل الشغله مربحه نصيحتكم تكفون الله يجزاه خير من يقدم لي النصيحه وعسا والديه في الجنه

وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنصحك بال بي من موديل 87إلى 96 لكن ونا خيك ماينفع سيارة واحدة لازم على الاقل سيارتين حتى إذا طاحت وحدة تقومها اختها من اصلاحات ونحوه
ولازم السواقين باسمك جاهزين والشغل جاهز
هذي نصيحتي لك والله يوفقك ولا تنسى ضرورة المتابعة لسياراتك والاهتمام بها وسلامتك ومن قرأ  


up 2 down 0
أبو عبدالرحمن 70 200
قبل 6 سنه و 8 شهر



اذا تبغى سيارة تعيش وتكد وقطع غيار متوفرة فعليك بالمرسيدس .


up 1 down 0
ابو عمر 666 1306
قبل 6 سنه و 8 شهر



افضل نصيحة لك لاتاخذ قرض عشان تتاجر اذا عندك فلوس اوكي اشتر ماعندك مافيه داعي تاخذ قرض عشان تشتغل لان لو خسرت حتكون الخسارة خسارتين
وعلى بلاطه مافي احد يربح من البنوك
ودعواتكم لي


up 2 down 0
ابوأسامه2 65
قبل 6 سنه و 8 شهر



اخوي كلامي مثل كلام ابو عبد الرحمن وانا خبير بالتريلات اي استفسار ارسلي على الخاص


up 1 down 0
-aboatb- 1851
قبل 6 سنه و 8 شهر



اسمع اخوي الافضل كالتالي بالترتيب 
المرسيدس ...... البوز الاول اغلب السواقين لا يرغبون قيادته وخاصتا في الصيف وأنت ادرى بجونا , كذلك الالبي اذا ماهو نظيف لا تأخذه ( الافضل من وجهة نظري الاكتروس من موديل 2000 الى ما تستطيع حسب الفلوس يكفي انه من صنع شركة مرسيدس العالمية 
الفلفو ....( يفضل وليس شرطا حجم 420 هو الفضل في السوق والاكثر رغبة ومن بعده حجم 460 
المان ....( بالنسبة للمان الافضل لعمل القلاب الموديل من 2000 وما دون , يجي حجم 19,414 او 19,464, اما الموديلات الحديثة ( الكمبيوتر مشاكلها في القلاب كثيرة وقطع غيارها مكلفة 

اخوي الغالي ابي اقولك شي على انفراد كلمة راس زي مايقولو !!! اذا ما انت رجل متحرك وشقردي يعني اذا تعطلت الشاحنة تطلع لها بأي وقت ولا تعرف لا حر ولا برد ولا ليل ولا نهار مثابر وعندك عزيمة خذها بعد ما تستخير وأذا الحركة والنشاط لك عليه وصدرك ضيق شوي انحش عنها وابواب الرزق اكثر مما تتوقع 
هذي نصيحتي لك والخيار بيدك وما قلت شي الا عن تجربة وخبرة ولي موضوع في الصفحة الثانية من هذا المنتدى عن قطع الغيار وخاصتا الشاحنات للمرسيدس بكافة انواعه وكذلك المان فقط كانت هواية الفك والتركيب ومع هذا والله ماني ملحق احيانا يدق عليك السواق في وقت لا تحسد عليه ويقولك متعطل تعال او امن الطرق ماسكه او او او والسواقين بعضهم فيه البركه وبعضهم حضه نحس ويدهويك معه 
اخوي اي استفسار انا حاظر لكن فكر كثر ولا تستعجل الشاحنات مالية السوق مافي اي داعي للعجلة ابدا 



up 1 down 0
ابوليلى المدينه 22
قبل 6 سنه و 8 شهر



نصائح عند العزم على الدخول في مشروع القلابات 
السائق او السائقين على الكفالة ( توقيعهم على المخالصة العمالية والرواتب ) 
مكان العمل يكون بالقرب من مكان اقامتك حتى لو كان المردود اقل 
اذا كنت متفرغ نسبة نجاح المشروع اكبر بعكس اذا كنت تعمل , مدرس أ وعسكري ,,,, الخ 
اخالف الآخوان في الاعلى مع احترامي لرأيهم الكريم / البداية بشاحنة واحدة لمدة اكثر من 6 شهور ( السبب ان الاعطال غالبا ما تاتي الا من بعد هذه الاشهر وخاصتا استهلاك الكفرات , ضرب كفر بنشر كفر ) اذا تكيفت مع الوضع وكتشفت ان ليس لديك اي مشكلة مع كثرة اعطال القلاب تتوكل على الله وتشتري الثانية كذلك الفترة السابقة ( ال6 شهور ) فترة كافية لتعرف اسرار السوق وطريقة العمل وغالبا ما تكون فترة تكثر فيها الاخطاء وتكون بعد ذلك خبرات ترويها لغيرك ليجتنبها  و واذا حصل العكس وشفت نفسك غير متكيف والوضع باعامية ما يخارج عندك اكثرمن خيار الاول تبيع فقط الصندوق وتشتري او تستأجر سطحا وتشغلها واذا ما عجبك المشروع بالجملة تبيع القلاب الواحد اهون عليك من بيعت عدد 2 قلاب رايي البداية بقلاب واحد فقط ع


up 1 down 0
ابوليلى المدينه 22
قبل 6 سنه و 8 شهر



الله يعطيكم العافيه على نصايحكم وفعلا صدق من قال ماخاب من استشار والله يجزاكم خيروالله يكتب لي ولكم مافيه الخير


up 0 down 0
fars--1111 14
قبل 6 سنه و 8 شهر



اش رايكم في فلفو 2000      f12 اشغله قلاب 24 


up 0 down 0
مكتب الحزام 5
قبل 6 سنه و شهر



السلام عليكم ورحمة الله وبركاته ..
يااخوتي انصحكم لوجه الله لمن لديهم شاحنات حيث انتشروا عيال الحرام ويسرقوا اجهزة كمبيوتر خاصه بالشاحنه
إما كمبيوتر القير
او كمبيوتر المكينه
حيث ان سرقتها لاتاخذ كثير من الوقت ويتم بيعها بكيلو ثمانيه ويرجع الشخص المظلوم يشتري من البائعين هناك وبصراحه نظام فاشل ولأ المفروض لايشتري المحل أي جهاز كمبيوتر الا بصوره من هوية البائع ويكون فيه رقابه حسبنا الله ونعم الوكيل

المهم
زبدة الكلام .. حاول تقوم بعمل لحام قوي على اجهزة الكمبيوتر الخاصه بالشاحنه حيث انها طارفه وسهلة السرقه وهذا عيب مصنعي من شركة مرسيدس لم يضعوه بالحسبان وان شاء الله تسلم من أذية عيال الحرام حسبنا الله فيهم
والله يوفقنا وياكم لما يحب ويرضى
اتمنى تنشروا رسالتي هذه لكل اصحاب الشاحانات .. لاتتساهلوا بالموضوع
ولد عمي انسرق عليه كمبيوتر المكينه وراح يسأل عنه بالوكاله وطلع سعره بـ 22 الف ريال
اللهم اجره في مصيبته واخلفه خيرآ منها


up 1 down 0
أبوعبدالله آل سلمان 12
قبل 4 سنه و 4 شهر



ياشباب رايكم بالالبي موديل 80 ست روس 8 تعشيقه للعمل ك وايت لاهنتم


up 0 down 0
الحربي2099
قبل 2 سنه و 3 شهر



طيب وشرايكم بشغل بالاسمنت في الوضع الحالي


up 0 down 0
ابو راجح 8102
قبل سنه و 3 شهر



القلاب تعب وكثير الاعطال عليك بالسطحه تحمل عليها اعلاف  


up 0 down 0
بندرالمشيط
قبل سنه و 3 شهر