أضف سؤال أو موضوع جديد          

ماهو الحل برائيكم

up 2 down 1
abobaderr 6
قبل 3 سنه و 4 شهر



الاستفسار :
اخذت من زميلي لي سلعه او بالاصح شاحنه وعددها اكثر من واحد وقالي لي انا ابي فيها مثلا 1000 ريال ومازاد فهو لك حلال عليك
ان بعتها ب 1000 شي راجع لك ولا تطلبني بعموله لان السلعه تسوى لها اكثر من الف وانت وشطارتك طلع عمولتك من هالبيعه
جاء واحد وشايفها وعاينها وقلبها وقالي لي شريت وابي اربع علمته بالسعر وشاف الاستماره والفحص منتهي والممشى وكل شي شافه وجاء للمعرض ودفع عربون على شان يجدد ويفحص وينقل ملكياتها
وتم الاتفاق على سعر معين مثلا 1300 ريال واتفقنا وكان الغلط مني لما علمته بالسعر انه صاحب الحلال طلب فيها 1000 ريال وانا بعتها لك 1300 قال ايه ولا يهمك اهم شي نعطي البايع حقه عقب النقل وحقك محفوظ
مع العلم كنت متساهل معه اعطاه المعرض اسبوع للفحص قال ما يكفي قلت له لك اسبوعين وما عليك افحصها بالفحص الدوري
صار المشتري يدق علي يقولي المعرض يقول ان جاز لك السيارات والا رجعها وانا فحصتها ودفعت مبلغ وقدره قلت له ماعليك من المعرض ولا خوييه
وكلمت راعي المعرض وخويه ماعليك ولا تتدخل مع المشتري لك قيمه المكاتبه وبس تبي السيارات ادفع للمشتري اتعابه وفحصها
وقلت للمشتري خل تفاهمك مع راعي الحلال ولا عليك من المعرض وغيره
مالكم بالطويله
الرجال فحصها ونقل ملكيتها وقضى
تفاجئت من خويي يقولي اخذت حقك من المشتري قلت له توه ماقضى قالي سلامات نقلها وصار له اكثر من يومين
ادق على المشتري مره مرتين ارسل له واتس ما يرد
كلمني خويي البايع قالي اهم شي اخذت حقك قلت له مايرد يمكن انه تعبان او فيه شي التمس لاخيك عذرا
قالي انا متصلن عليه ورد شلون مارد عليك
قلت له زين دقيت من جوالي ثاني حق زميلي والا رد
وينك ماترد يقولي والله كنت تعبان طيب تعبان ماترد على جوالي وجوال غيري ترد
ابي حقي
قال لي خذها من البايع انا مالي علاقه
شلون مالك علاقه وانا متفقن معك
قالي والله اني خسران بنقلها وفحصها وطلعت علي غاليه
طيب انت قبل لا تدفع عربون جبت مهندسين من عندك وفحصتها وقلبتها واخترت كذا وحده من بين عدد من السيارات
قالي انا خسران والبايع لازم يعطيك قلت له يابن الحلال البايع ماله لوم قالي من البدايه طلع عمولتك
قالي والله حتى ما اخذت عموله لاني ابيها لاخوي
انا وش علي منك واخوك انت واياه تصلحوه ابي حقي
قالي انت غلطان خذ حقك من البايع
وعقبها مرد
والبايع قالي انت غلطان لو علمتن من البدايه كان اخذت قيمتها بالسعر الي كلمته فيها واتممت البيعه واعطيتك حقك
قلت له من كلامه انه ثقه وبيعطيني ولكن الشكوى لله

السوال ولا ابي اظلم المشتري هل يلزم بدفع المبلغ المتفق عليه بيني وبينه ولا مايلزم بدفعها شرعا
تكفون لا حد يفتي الا من معرفه لان ما ابي اظلم الرجال واحط بجيبي شي حرام

واسف للاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكبر غلط تعلم المشتري الاتفاق الي بينك وبين البائع المفترض تم البيع بسعر ١٣٠٠ ويكتب بالمعرض ويحول المبلغ للبائع ثم يعطيك حقك او يصير بينك وبين المعرض ووالبائع اتفاق بحيث يحول ١٠٠٠ للبائع ويسلمك ٣٠٠ اما المشتري مفروض مايعرف هذي التفاصيل كلها


up 8 down 1
MR.AHMED 60
قبل 3 سنه و 4 شهر



صح كلامك ولاهنت وانا غلطان ان خبرت المشتري لاني والله وثقت من كلامه


up 3 down 1
اسير الوحدة 4
قبل 3 سنه و 4 شهر



الغلط عندك لا تتعب نفسك معه
قدم عليه بالمحكمه وطالب بحقك
بالقانون .. ولا تبلغه حتى يتم استدعاهه
من المحكمه .
الناس صار الحرام عندها عادي الا من رحم ربي ولا حول ولا قوة الا بالله


up 0 down 1
meem34 183
قبل 3 سنه و 4 شهر



مادام نقلها وخلص واستلم المالك الفلس
ولا بينكم اوراق
الله يعوض عليك
حتي بالمحكمه ماتقدر لانه بدون اوراق وثبوت
بحاله واحده فقط عند المحكمه عند الشيخ يحلف بالمصحف فقط
والموضوع مطول سنه او اكثر
والله يعوض عليك ويرزقك علي قد نيتك
الناس صارت ماعندها ضمير والاحساس


up 2 down 1
allohan 3 50
قبل 3 سنه و 4 شهر



كثيرين ياكلون السعي تاخذه بذكاء غصب عنه من البداية او اترك الامر لغيرك لا انتقلت الملكية في الحلم تاخذ ريال خلص شغلته هو وماعليه منك


up 1 down 2
benz lover -78
قبل 3 سنه و 4 شهر



لاهنتوا يعني انا لو اطلبه معي حق
اما مسئله اشتكي لا ان اعطاني الحمد والمنه لله
وان اصر ويصرفن على كلامه انه خسران واخذها من البايع فوالله ما نيب مسامحه ودينه برقبته ليوم القيامه


up 2 down 0
abobaderr 6
قبل 3 سنه و 4 شهر



اذا عندك اشهود عليه ممكن تاخذ حقك عن طريق المحكمه بدون اوراق اثبات .


up 2 down 0
صمناعي 115
قبل 3 سنه و 4 شهر



شر البلية مايضحك ياخي انت غشيم وقوي عين بعد تهاوش صاحب الحلال وصاحب المعرض ههههه لا تزعل هذه اعتبرها كبوة ودرس لا تثق في احد وكل شيء لازم يكون مكتوب مافي شيء اسمه ثقة القانون قانون ومايحمي المغفلين الله يعوضك بالاحسن والله بياخذ لك حقك منه مال الحرام مايدوم لاتخاف الا مايجيه يوم


up 0 down 11
نبيل110 329
قبل 3 سنه و 4 شهر



بس الحين مالك الا حل واحد انك تنش له وتصير مثل البلا المنزل عليه ماتترك له دقيقة يتنفس فيها روح لبيته لعمل لاي مكان هو فيه وكلمه قدام الرجال ياخي ابي حقي ماني طالب منك صدقة حقي هذا الحل والوحيد لك خلك مثل حقين العقار لاجو يلمون الايجارات ههه


up 2 down 0
نبيل110 329
قبل 3 سنه و 4 شهر



حياك
اللي اوله شرط اخره نور
اذا المبلغ يستاهل تشتكيه اطلبه للشرع والحلف 
اما اذا المبلغ مايسواء 
اعتبرها درس 
والبيع واشراء مابه ثقة به توثيق واوراق تحفظ حقك وحقوق الناس


up 1 down 0
باترول 2020 2624
قبل 3 سنه و 4 شهر



اللي ياكل حقوق الناس ما يعجز عن الحلف .
اذا ما عندك شهود والا اثباتات ودع حقك .


up 0 down 1
صمناعي 115
قبل 3 سنه و 4 شهر



فيه نقطه مهمه ..
اذا كان المبغ يستاهل ممكن تستدرج الرجال باتصال وتسجل عليه وتروح تشتكيه بصوته .
يمكن تدينه .


up 1 down 0
صمناعي 115
قبل 3 سنه و 4 شهر



ابو بدر اول شي عداك العيب والي سويته صحيح مية بالمية

العمولة لاتجوز للوسيط الا اذا وضح للمشتري مقدار الفائدة أو توضح للبائع انك بعتها بالسعر الفلاني وتحدد حقك

الغلط الي حصل معك انك ماوثقت حقك على الورق والقانون بهذي الحالة مايقدر يحميك وللأسف لايوجد ثقة مع اي شخص والا ايش ذنبك المشتري خسر ولا ماخسر الإتفاق حق ولازم ينفذه حتى لو يتسلفه

عمولة الوسيط معترف فيها حتى في بلاد الكفر وفيها سجن وغرامة في حال عدم الإلتزام

ولكن التوثيق أمر ضروري ومذكور بالقرآن لأهميته


up 2 down 1
عربة للسيارات 1665
قبل 3 سنه و 4 شهر



شكلك جديد عهد بالتجاره والتعامل وهاذا درس لك التجاره مافيها شي اسمه ثقه حتى لو بينك انت واخوك الحق حق


up 1 down 1
hart90 25
قبل 3 سنه و 4 شهر



وين بيروح من ربي والله انه ليحصلها في صحته وفي حلاله
اشتكه في المحكمه وان شاء الله تاخذ حقك


up 2 down 0
كارينو 572
قبل 3 سنه و 4 شهر



اسأل الله أن يعوض عليك ويرزقك

راحت علينا فلوس كثيرة بسبب ها الناس اللي ما تخاف الله .. واعتقد المحكمة ما تسوي لك شيء الا إذا هناك توثيق السعر وقت المكاتبه في المعرض ممكن يجي للمحكمة ويحلف يمين لأن الرجال نقل وخلص واستلم خويك فلوسه


up 0 down 0
abuturki-alotibi 2
قبل 3 سنه و 3 شهر



ا كم سجلت بالعقد المبلغ كامل 1300


up 0 down 0
296
قبل 3 سنه و 3 شهر



اذا انت بعت بسعر مثلاً 1300 والرجال دفع للمالك 1300

خذها من المالك وليس المشتري لان اتفاقك كان من الاساس ان المالك قال انا ابغى 1000

ومازاد لك


ركز الله يعافيك


up 0 down 0
aboahmed2014 1167
قبل 3 سنه و 3 شهر