ماهو أفضل مشروع في الوقت الحالي؟

الله يرزقك من اوسع ابوابة
كل المشاريع ممتازة حسب احتياج الموقع لها
ولاكن معوقات العمالة و سعر الاجار و الرسوم الحكومية
تجعل الشخص يفكر في الاعمال الحرة  التي تقوم بعمل يدك و ادارتك ذات المدخول البسيط

من ناحية التموينات والبوفيه ومطاعم اسماك قبل ماتبدى مشروعك فيها 

اهم شي الموقع يكون الموقع بمكان واضح يشوفونه الناس 
ويكون واسع من ناحية المواقف للزبائن. لان اشوف بوفيات وبقالات ومطاعم  توهم فاتحين 
وبعد شهر الى شهرين. يقفل ويكتب للتقبيل !!!
غالباً السبب من الموقع تحصله يفتح بعماره كلها منافسين له او بمكان ماتقدر توقف سيارتين بالكثير 
او نفس الموقع بين محلات ومحد ينتبه له. 

شف ماشاء الله مطعم التنور كل فروعه مواقعها بالزاويه 
تكون واضحها والناس يشوفونها وتكون المواقف واسعه 
من جهتين. لان الزبائن اذا شاف مطعم او اي محل ماعنده مواقف واسعه مايوقف ويروح يشوف محل غيره 
انا منهم اذا كنت ابي مطعم وشفت المواقف ضيقه والسيارات مزحومه ومقفلين على بعض ماانزل اروح اشوف مطعم ثاني 
لان اغلب المحلات الي كذا توقف يجي ثلاث اربع سيارات يقفلون عليك. وكل شوي واحد يدق بوري مقفلين على سيارته 

أهم شى أنك متفرغ لمشروعك وتديرة بيدك أو أحد إخوانك
أو شوف مشروع ناجح وشارك فيه

اشوف مشروح غسيل السيارات كويس بس اهم شي الموقع

مثل ماذكروا الاخوان اهم شيء الموقع يعني جنب صناعية عندك المغسلة افضل و بعدها ادا ماجنبهم بوافي او بقالات هم كدلك

ممتاز صالون حلاقة على شارع عام و تجاري يكون ممتاز

ثلاث اشياء رئيسية حطها ببالك قبل البدء بأي مشروع:

1- التوكل على الله والنية الخالصة بطلب الرزق الحلال.
2- الموقع الموقع الموقع 
3- الايجار يكون مناسب لا تاخذ بأيجار عالي ويروح تعبك كله لصاحب العقار 

يعني مثلاً لو تفتح سوبر ماركت دور محل موقعها ممتاز فتحتين مايعدي ايجاره  40 الف 

وفالك التوفيق ان شاء الله 

لا تفتحلا تفكر في اي مشروع حاليا .. الوضع متذبذب وخطير والوافدين برة واللي موجود دقيق في حسابته جدا.. وهذا ماهو تحطيم مجرد خبرة متواضعة من شخص متابع الاقتصاد

لا تفتح ولا * المعذرة عل الخطأ

انا مع الاخ اللي فوق ^
الاوضاع حاليا ما تدري وش هي عليه
كل شوي نظام وكل شوي قرار
وجميع المجالات فيها ركود قوي
فما تدري وش تدخل فيها
لان ما تدري بكره يجيك نظام وقرار يقلب ضدك ويخرب جميع مشروعك وآمالك
فأحفظ فلوسك لين ما تبين الامور وتدخل المشروع على بينه بإذن الله

كلام الاخوان يشهد الله اني اقرأه واشوفه وافهمه انه مو تحطيم .. فعلاً الوضع متذبذب خصوصاً الوقت الحالي 
وفيه عندك مشروع مربح جداً جداً ولا غنى عنه ابداً باذن الله وربحه ممتاز جدا اللي هو ( مشحمه زيوت و بنشر ) 
فيها رزق مو سهل اذا توفر لك  ٣ اشياء ( الموقع المناسب /  والتجهيزات المطلوبة / والعماله الامناء الطيبين ) 

استخر الله وفكر زين والله يوفقنا واياك .

لاتستعجل تركد السوق الان سنتين وكل ماله في نزول عندك فلوس اقضب فيها زين القوه الشرائية ضعفت كثير والدليل مر وشوف الاسواق واسأل اصحاب المحلات

حاليا مافي شي شغال الا المطاعم ومبلغك ماراح يسوي شي 

التجاره الأكترونيه فيها خير أهم شي عندك سجل تجاري وتستورد بنفسك