مشروع بقيمة 50 الف او حولها

عندك القدرة للصيانة ؟؟؟
لازم يكون معك اقل شي 20 الف زيادة على المبلغ الي معك للصيانة
لا تفكر انك بتشري اليوم وبكرة بتجلس في البيت وبيجيك مردود على طول
ما ابغا احبطك لكن احسبها صح
ال 50 الف انت ما جبتهم بسهولة

انا اتفق مع الاخ moathyaseen
الفلوس هذه تعبت فيها احسب حساب كل شي
من صيانة وبنزين او ديزل
ومنها تأمين واقامة العامل والتأمين الصحي كل هذه رح تكون معوقات لك اخوي

عندي لك مشروع
اللي هو تشتري اكسناتت
2011 او 2012
قيمته في معارض عشر اللاف
او اكثر شوي
تشتري اربعه وتحده 15000
وتقسيط 23500 الف
يجيك مكسب فوق 50 من الميه

انا اتفق مع ابو بدر في ناس كثير يسون هذا الشي يشتري اكسنت او سيارة بحدود 15 -25
وباعها دبل يعني اشتراها 10 باعها 18 اقساط اذا ما كان اكثر وشهريا 2000
او حسب المتفق عليه انت فكر في اربع يعني شهريا 8000 اهم شي تقسط للناس عندهم قدرة مو واحد ماعنده ريال

بنزين وديزل؟ سلامات..
والمستأجر وش مسؤوليته ؟ يحط رجل فوق رجل وياخد منك فلوس حق صيانة وديزل؟

شوف اخوي مشروعك حلو ولحد يسبب لك احباط لأنك رح تأجر بعقد متفق عليه واي خراب او سوء استخدام تكون مسؤولية المستأجر

والله يوفقك ويرزقك

الدينا ما انصحك فيها لأن الغالب يستاجرها منك واحد ويدخل خويه معاه وتصبر الدينا شغالة ٢٤ ساعة ويهلكها عليك خلال مدة قصيرة
انصحك اذا متفرغ بمحل جولات انت بنفسك تجلس فيه وتسوي صيانة وتبيع اجهزة وشواحن الخ..

طيب وش الضمانات الي اقدر اخذها اذا اخذت اكسنتات وبعتها اقساط
يعني كيف اضمن حقي من الي بياخذ الموتر

اشور عليك اذا تقدر تسوقها انت توكل على الله وهذا افضل لك بكثير بمليون مرة من انك تجيب سواق وتاخذ منه مبلغ شهري خلك على الوظيفة ابرك هذا من وجهة نظري

سواها أخوي في جده ( يعني تقول بلد تجاري من الطراز الأول )
جاه سواق سطحه باكستاني وقاله عندي لك مشروع يدخل ذهب
استأجر سطحه وانا اشتغل عليها والمكسب مناصفه ومضون دخلك الشهري من 4000 إلى 5000
راح أخوي المسكين واستاجر سطحه بـ 2500 بالقووووة حصل بهالمبلغ
وأول شهر العامل ماعطاه ولاريال بالقوه دفع ايجار السطحه وثاني شهر نفس الكلام
ثالث شهر اعطاه 500 ريال .. يقول مافيه شغل والسوق نايم ووو ... إلخ
طبعاً اخوي عارف انه نصاب وكذاب تخاصم معه وفض الشراكة معه وطلع بلا حمص بالرغم إنه كان يتابع ورى العامل ويجيب له زباين ويتصل عليه مايرد ولايرد على الزباين
يقول كنت نايم !!!

الزبده اذا مابتشتغل إنت بنفسك في حلالك لاترتجي من الأجانب خير

شف اولا قضية السواق ذي طويلة خلها اخر شيء

الحين نجي للدينا السوق مافيه سيوله ابد لا تفكر

ماوراها الا وجع راس وصيانه واذيه

ان كانك تبي شيء  اشتر  باص 15 او 30 راكب 

وخله توصيل حق موظفين او موظفات او طلاب وطالبات

او حق توصيل موظفين في مدن ثانيه حق خط

وراح باذن الله تطلع خير

بشرط فيه شيء تعتمد عليه سواق كويس 

طيب اذا شريت باص اقدر اشتغل عليه انا توصيل طالبات وطلاب او مدرسات
يعني قصدي يبيله ترخيص او اوراق او شي من هذا القبيل

والله الغالبيه شغالين بدون تراخيص واللي انا اشوفهم اغلبهم أجانب سودانيين ومصاريه وقليل سعوديين متقاعدين
وباصات متهالكة وقديمه
اذا بتسويها تشوف لك مدرسة بنات ابتدائي ( لأن الأولاد مزعجين بكل صراحه ) البنات حليلين
المهم تروح لحارس المدرسة وتقوله انك بتشتغل نقل طالبات وتحط رقمك عنده وهو يعطيه اولياء الامور اللي يبون باص
والله يوفقك ويفتح لك ابواب الخير

وعليكم السلام ورحمة الله وبركاته
أنت باي مدينه؟
عندي مشروع ممكن يناسبك.

بالرياض اخوي
بس مافي مشكلة ممكن اطلع اي مدينة تناسب الشغل