أضف سؤال أو موضوع جديد          

وشو مشروعك الناجح؟؟؟؟؟

up 6 down 3
عبدالمجيد a 46
قبل 4 سنه و 6 شهر



السلام عليكم ورحمة الله وبركاته
ودي أستشيركم وعندي مبلغ من المال حوالي150الف ريال
وأدري أن بعضكم راح يقول هذا منتدى السيارات مو منتدى أستشارات بس لكن ودي منكم نصيحه
والخبره بالتجاره وبصراحه أني أفكر بكذا مشروع منه
1 ورشة حداده ونجاره
2محل سباكه وكهرباء
3محل مفروشات

(وأكون أنا اللي أشتغل فيه وبدون ماأعطيه للعمال)
ودي نصيحه ومحتار
وهل هالمبلغ يكفي من نظرتكم وخبراتكم ولالا؟
وهالمبلغ متسلفه على سنه ودي أشتغل فيه علشان أقدر يكون لي دخل ثابت وأقدر أسدد اللي علي ..... وشكراالكم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله اشوف المشروع الناجح
مغسلة سيارات نعم يابعدي مغسلة سيارات ذهب
خذلك مغسلة موقع محترم يشيل اكثر من 8 سيارات
عقد اقل شي 5 سنوات تستاجر المغسلة ب50 السنه
وتطلع 5 عمال وادعس شغل لاتوقف
اذا موقع محترم يطلعلك الصافي شهريا اقل شي 15 الف
فكر في هاذا المشروع لايفوتك


up 7 down 2
الرفاعي33 13914
قبل 4 سنه و 6 شهر



اولا الله يوفقك في مشروعك. 
ثانيا شوف وش اللي مو متوفر في الحي اللي انت ساكن فيه.
مثال حي جديد مافيه مغسلة ملابس توكل على الله وافتح مغسله وشوف الزحمه عليها
ثالثا لا تحاول تفتح مشروع احد سبقك عليه نصيحه 
وهذا اللي عندي والله يوفقك


up 2 down 1
v8..... 61
قبل 4 سنه و 6 شهر



الله ياحياكم ومشكورين
يا الرفاعي33
وV8


up 1 down 0
عبدالمجيد a 46
قبل 4 سنه و 6 شهر



محل شاورما هذي الأيام واناخوك الناس ماتفكر غير بالأكل بشرط ما يكون في غيرك بالحي والبنهاية الرزاق الله سبحانه أهم شي تستخير الله عز وجل  قبل ما تخطي أي خطوة 


up 1 down 1
business to consumer 1163
قبل 4 سنه و 6 شهر



مغسلة ملابس وبرضه مغسلة سيارات كلها حلوه بس اهتم بالموقع

وفيه بعد سف لك محطه واستاحر طرمبات البنزين فقط شغل ممتاز


up 1 down 0
خالد ___الرياص 1331
قبل 4 سنه و 6 شهر



مغسلة سيارات ولا تفكر
فتحت لي مغسلة سيارات في الطايف
موقع ممتاز و محترم جداً
خلال سنتين و نص صار لها صيتها و اسمها و الإقبال عليها بدأ يزيد
كنت مستاجر سنوياً ب ٣٥ ألف على دفعتين كل ٦ شهور  ١٧،٥٠٠ ريال
لكن صاحب الموقع للآسف بعد ما شاف الإقبال و ان سمعة المغسلة ارتفعت
رفع علي الإيجار بعد سنتين و نص ١٠٠٪‏
و رفضت و بعت له المغسلة ب ٤٢٠ ألف

عموماً .. المغسلة شغلتها بسيطة
حاول الموقع يكون مساحته كبيرة
و المساحة الداخلية للمغسلة تشيل أكثر من ١٠ سيارات
و حاول تسوي لك محل صغير داخل المغسلة
٤*٥ و تأجره ب ٣٠٠٠ ريال شهرياً

المعدات كاملة إذا تاخذها جديدة و نوع أصلي
تكلفك تقريباً من ٣٥ ألف لين ٧٠ ألف بالكثير
جيب لك ١٥ عامل
حتى لو بدون إقامات و فيز
و العامل راتبه ١٢٠٠ بالكثير
فرغ ٥ للتنشيف و التلميع … إلخ
و ١٠ فرغهم للغسيل
أهم شي يكون قريب لك ماسك المحاسبة و هو المسؤول الأول و الأخير عن المغسلة
لأن الأجنبي ما تامنه في أي لحظة

بالنسبة للتكاليف الفرعية
موية + كهرباء ... إلخ ما راح تكلفك شهرياً ٥ ألاف

و دخلك الشهري بيكون بالميت من ٢٠ لين ٣٥ ألف شيل منها رواتب العمال
الأهم انك تخاف الله و تنوي الأمانة و العمل الطيب
و العمال مهما كانوا آوادم و يحتاجون للراحة
حاول أوقات عملهم تكون من
السبت لين الخميس
من ١٠ صباحاً لين ١٢ ظهراً
من ٣ عصراً لين ١١ مساءاً
يوم الجمعة
من ٣ عصراً لين ١١ مساءاً أو تخلي الجمعة لهم راحة


up 4 down 0
معلم مستجد 470
قبل 4 سنه و 6 شهر



تبغي نصيحتي واحد شغال بالسوق واتركك من اكلام اللي لا يودي ولا يجيب افتح وافتح وافتح

الوقت الراهن امسك فلوسك

محنا دارين وش اللي صاير

تخبط بالقرارات وارتفاع في الرسوم وانخفاض الوضع الإقتصادي الخ


انتظر 6 شهور لين تصفي الأمور


بالتوفيق


up 5 down 10
yamani_2002 53
قبل 4 سنه و 6 شهر



يفضل تفك مشروع انت فاهم فيه

او مغسلة سيارات افضل 


up 0 down 0
coco13 894
قبل 4 سنه و 6 شهر



شوف وانا اخوك المشاريع ياكثرها براسي ومردودها المالي بيكون كثير

بس المشكله الماده مافي لو عندي راس مال ماقعدت بالقطاع الخاص دقيقه


up 0 down 0
aboahmed2014 1160
قبل 4 سنه و 6 شهر



مشكورين كل من رد على موضوعي
ومن قدم نصيحه أو طرح فكره
وبانسبه للاخ اللي رد بخصوص شاورما أنا أتفق معك أنه مشروع مربح بس أنا ماعندي خلفيه عن محلات الوجبات السريعه
وانا ودي بامشروع يكون بدون تستر التجاري.

وعندي أقتراح للجميع وراح يستفيد منه الكل من رد الموضوع
كل واحد يكتب المدينه اللي هو سكان فيه وماالذي تحتاجه من وجهة نظرتكم أنتم لايستفيد الجميع.



up 0 down 1
عبدالمجيد a 46
قبل 4 سنه و 6 شهر



ردعلى أخوي
aboahmed2014
أنت سجل الافكار اللي بفكرك بدفتر متى ماتوفر معك راس مال علشان تبدا با تنفيذي
وبانسبه للقطاع الخاص أنا أشوف الان أفضل من أول.


up 0 down 1
عبدالمجيد a 46
قبل 4 سنه و 6 شهر



يماني ٢٠٠٢
يعني ذلحين انت ضربت بكلام كل الرياجيل في الجدر
و صار كلام لا يودي ولا يجيب ؟
للمعلومية .. التجارة عملت فيها أكثر من ٤ سنوات و لله الحمد و المنّة
و مريت على أكثر من تجارة إبتداءاً من بقالة و إنتهاءاً بمقهى
و بين المرحلتين هذي مريت في أكثر من مرحلة
منها مشاريع ناجحة مثل مغسلة السيارات و المقهى
منها مشاريع لم يكتب فيها التوفيق مثل البقالة و مطعم بروست
الدولة فيها خير و اللي يعتمد على راس ماله ما بيموت
بعد ٦ شهور الوضع بيكون أسوء من الوضع الحالي بألف مرة
و بيكون فيه تكدس بشكل غير طبيعي
و بيصير العرض أكثر من الطلب
لا تهمش كلام الرجال و تحط رآيك على راس الهرم
لك الحق انك تقول رآيك و نحترمه
و لنا الحق اننا نقول أراءنا و تحترمها
لكن مالك حق تصادر رآي أي شخص عشان تمشي كلامك و تظهره بالصورة الواقعية و السليمة


up 1 down 0
معلم مستجد 470
قبل 4 سنه و 6 شهر



تاجر في مجال الاتصالات ماشاءالله شباب كثير دخلو بمبالغ قليلة وحصلو شي طيب منها وخصوصا بعد سعودة هذا المجال واسأل من خاض في هذه التجربة وخذ منه الايجابيات و السلبيات واكثر الناس الان تفكيرهم ف الاكترونيات او طلع دباب جديدة صينية حق التحميل قيمتها تقريباً ف العشرينات جديد واجرها وفي السنة تطلع قيمة الجديد تقريباً والايجار اليومي ﻻيقل عن 80 ريال او طلع دبابات صحراوية ابو اربع كفرات واجرها ب الساعة وعليها اقبال كبير  والجمعة يومها والسلام عليكم   


up 0 down 0
حسان العدواني 96
قبل 4 سنه و 6 شهر



أخوي

أنا أروح لراي yamani_2002


الوضع غير مستقر تماما

تخبط بالقرارات مدري وش يبون للحين لم تتضح الرؤيه
وقس على ذلك العقار و الأجار بنزول 

وفيه كلام انهم يبون يسكرون المحلات اللي داخل الحواري


فنصيحه توقع لاتطب


up 0 down 0
الملك المجهول 165
قبل 4 سنه و 5 شهر