وش الحل مع السواق

وعليكم السلام ورحمة الله وبركاته 

ليش مايرمي بالمردم هل المسافة بعيدة  ؟ وماسبب اختياره للمخططات

وعليكم السلام
اخوي موضوعك مو واضح ابد
لكن على كل حال دام السواق مطيع ومحافظ على صلاته ناقش بالموضوع وانتبه تكون مأخر رواتبه او بينك وبينه مشكلة مادية ما إنحلت

وممكن تكون به حاجة ماسة للمال والله اعلى واعلم.

لكن على كل حال اذا عرفت سبب المشكلة يسهل حلها

بما أنه مطيع ومحافظ عالصلاة واجهه وقول له وذكره بربه  لأنه ممكن الشيطان يتمكن منه  

هو فرغ الحمولة في المخططات لكي يحصل على ال 40 ريال قيمة الدخول للمردم ويدعي انه فرغها بالمردوم
اخواني اشكركمن على ردودكمن يعلم الله اني ماقرت معه بشىء حتى التاشيرة ببلاش ولكن اخاف يتمادى بشىء اكبر خصوصا او يفتحج له باب اكبر انا فكرت اروح اوديه للقسم اخوفه او اني اعلمه الصراحة

اللي كذب عليك ب 40 ريال لا تستبعد بكره يكذب عليك بشي اكبر


اوكي يصلي ومطيع على عيني وراسي ، ترى كثير ناس تصلي وتعرف الله لكن فيها صفات من المنافقين طبعاً ما اقصده هو اتكلم بشكل عام


اذا طاف هالموضوع وشافك مادريت بيقول ايه حبيب ومايدري وين الله حاطه بكره ولا بعده بيبلاك مع خلق الله


الحل اشكم له قل انت فرغت الحمولة في كذا وكذا والفاتورة كذب بس انا بمشيها هالمرة لانك مخلص وماعودتني على الكذب وتعرف الله وتصلي واتمنى هالشي ما يتكرر ، ولا تعطيه ال 40


وان قام يلافط هدده بالشرطة وماعليك منه

وليش خايف تواجهه دام السالفه 40 ريال وقفه عند حده لا يتمادى وتتحمل مبالغ اكبر

جزاكم الله خير جميعا

لا يعرف انك تراقبه بالجي بي اس
خليه على عماه

بالظبط كلام الاخ اللي فوق صحيح لاتقول له gbs وغيره اذا سوا محجر لك قل احد اصحابي شافك ولا تعلمه بسالفة gbs ابد

الشيطان شاطر كلم الرجال بينك وبينه كيف عرفت ماكيف عرفت خله على عماه 

اخوي نصيحتي لك حاول تلمح له لاتعطيه السالفه في وجهه 

يعني مثلا قولها على اساس انها قصة صارت لواحد وكشفوه وسفروه وخسر كل شي


هذا مثال بي عاد انت وشطارتك 

طبعا اللي خلاني اقول كذا لان المشكله بسيطه لكن في نفس الوقت ماتبغاها تستمر علشان مايتمرد الاخ طيب 


اذا ماجابت نتيجة صكها في وجهه وعطه الزبده ووره العين الحمراء وبيضبط معك ان شاءالله 

وترا الموضوع سهل لا تشيل همه والله ييسرلك امورك ..

ريح راسك وقل له وصلتني شكوى عليك لاتقول انك كشفته

انتبه يا الحبيب لا تظلم الناس وانت معتمد على جي بي اس
ترا الجي بي اس يخربط ويخطأ لو كان الجو فيه غيم او غبار ترى هل الشي مجرب

حياك
يقولون حلال تودعة بيعة 
لاكن لعبة السواقين كثيرة والكل يشتكي منهم 
لزم تعاملة مثل ماتعامل كوب القزاز اداري عليه 
واكثرهم مايعنيه الراتب تحصله يتلاعب علا كفيله بقطع
الغيار ويودي ردود لااشخاص بنص القيمه الخ
بس بيني وبينك افضل شي تعلمة ان السيارة
فيها نظام متابعة واذا عرف ياهو رجال بيستمر علا الراتب
والا بيسحب عليك لنه صار مكشوف
وباالتوفيق

من واقع خبره مع سواقين التريلات

سايسه مسايس

ان كان محافظ على سيارتك

فهذا أهم من الاربعين ريال

سو حالك ما دريت هالمره

بس الفتره الجايه حسسه انك بديت تشك به وهو تلقائي يبي يترك هالسالفه



ان راح يبي يجيك بداله ١٠٠ سواق
بس يخلونك مثل المهبول من ورشه لورشه


وخص نص انك مؤقت شهر ويجي سواقك

لاتستعجل بالحكم
ممكن يصير غير ماتوقعت
انا اقول راقبه مرة واثنين وثلاثة
حتى تجزم بالأمر وبعدين تصرف معه.

ياعمي الصلاة ماهي مقياس ..
فكم من مصلي يظن ان صلاته بتكفر ذنوبه فتلاقي المصلي اكبر اجراما من غير المصلي .. انا ماني شايف الهرجة كبيرة عشان ال 40 ريال لكن انا خوفي يكون الرجال بلا ذمة ويفرغ في مخططات الناس الغافله وهذي الناس تجي بعد سنة سنتين وتاكل مخالفه من البلدية وتدفع أجرة تنظيف المخطط

قل له جاني استدعاء من الشرطه بخصوص الشاحنه انت وش مسوي وكبر الموضوع وبعدها بلغه ان الدعوه الشرطه او شكوى بخصوص الردم واخذوا تعهد وانذار وانهم طلبوا السواق لكن رفضت وخليتها بوجهي .. 

الطريقه منها خوفته ومنها انك وقفت معه ولا تبي له مضره وانه غالي