أكسور شاسيه

حبيبي أنت أنا بقولك اكتروس  .... إلا أن كانك  مجرب الاكسور  براحتك 
اكتروس  سهل شغله قطعه متوفر لو تبي تشليح تحصله  
الاكتروس  أقوى  تحمل  أرغب  للبيع ماتخسر به 
عيب الاكتروس وترا مو كلها لكن نادر اللي يجي مكيفها  بارد
اسمع النصيحه وخلك مع الاكتروس   ولاتتعدا موديل 2005 إلى 2008
لأن ال موديل  هذا كمبيوتر  قيرها  تشتريه وكاله  5361 أما فوق هذا ال موديل  دبل السعر
بعدين قد ما تقدر حذ اكتروس مغير كمبيوتر القير لأن اللي يجي من الخارج يكون فولت 5 ... وكمبيوتر  الجفالي
فولت 19 بولندي  
اسمع النصيحة  الاكتروس  اغلا من الاكسور بس لاجيت  تبيع الاكتروس ماتخسر 
ونصيحة  المعده  يبيلها  عناية  ولاتخليها شغاله وأنت واقف ,,,, وإذا بتوقف  المعده الاسابيع أفصل أصابع البطاريه
ولازم تبعد الإصبع عن الشاصي او أي حديد  يلامس ..... وعليك بكفرات  مشلان قدام 
وشيك على السياره ترا مو كل شئ ضغط البساتم
واخر شي 
Lb تراه  مثل  الكرسيدا خدووووم وقطعه رخيصة جدا وفيه  منه التجاري اللي يكفيك عن الأصلي
وله  إصلاحات  

واخر شي فولفو قوي ولكن قطع الغيار نار ولاتجي إلا كامله ,,,,, يعني لو تبي حساس دعسه 
لازم تشتري الدعسه كامله  
وتجي له قطع صيني وصناعات أخرى وسعرها  رخيص لكن ابو شهر شهرين وتخرب
هذا اللي عندي واسف  ع الاطاله

يعطيك العافية اخوي على ردك الأكثر من ممتاز بس وأنا اخوك الأكسور على ماسمعت عنه وقريت عنه انه قوي ويتحمل حق كرف لكن نبغا نسمع الخبرة من الناس الي مجربينه وليش الجفالي مايجيب منه وبعدين هو ارخص وتسع تعاشيق 

كان تبغى شيء يكد معك ولا يخسرك و ترتاح زي ما قالك اخونا ميلاني اكتروس و لا تتعدى ٢٠٠٨ او شوفلك ال بي و الله انها تكد و تلعن جدفها خصوصاً انك بتسلمها سواق و بعدين ميزة الـ ال بي قطعه متوفره بكثرة و صيانتها سهلة ما تتعب فيها