استفسار من أهل الخبرة في نقل الأعلاف

الله يزقك الرزق الحلال ويبعد عنك الحرام
شغلة الاعلاف مربحة جدا جدا وفي نفس الوقت متعبة
المواصفات
تحتاج تيدر طويل من 14-16 متر ويكون واطي حتى تقدر
تزيد العدد.
والثلاث محاور ممتاز ويجي واطي وبالنسبة للجوانب ماتحتاجها
لكن احذر تحمل اعلاف فيها مويا لأنها غالبا تميل وتقلب السيارة
طبعا يتراوح المكسب في الرد الواحد تقريبا بين ٢٠٠٠ ريال
الى ٦٠٠٠ ريال حسب النوع وحسب الوقت والمسافة.

جزاك الله كل خير اخوي الغالي

وجعل أيامك كلها حب وسعادة

تقبل تحياتي ...

والله انك اعجبتني يوم قلت انا اللي ابسوق التيدر بعض الاعضاء اللي سألوا عن مشاريع من النوع ذا قالوا ابجب عامل كم اخذ منه ؟؟!!!! ياحبيبي انت فاتح المشروع وشاري معدات واخر شي تضيع فادتك بيدك ؟ اخر شي ياخذ من العامل الف ولا ثلاثة على كذا توظف وظيفة ثانية افضلك 

أشكر مرورك أخي أحمد

وعلي قول المثل (كلاً عقله في رأسه يعرف خلاصه)

وياليت يرجع الوضع زي أول يوم كنت تشوف السعوديين أكثر سواقيين
للتريلات .

خذ لك تيدر جوانب أفضل عشان تشيل أكثر
وأظمن لك بحيث الهواء ما يلعب في الحموله
طبعا أفضل التيادر (لاج) يقول الاولين (اللاج علاج)
خذ طوله ١٦ متر
واذا كان الحمل برسيم ومرصوص صح
يشيل بإذن الله ١٠٠٠ مكعبه
والله يرزقك من واسع فضله
وما زال موجودين السواقين السعوديين
صح انهم قلوا لكن باقي ولله الحمد
طبعا مكسبك على حسب شغلك
اذا اشغلك حامي فأبشر بالرزق باذن الله
واذا تبي الرزق جنب عن الميزان ههههههه

جزاك الله كل خير اخوي اوناصر

ونصيحتك وصلت هههههه

الله يرزقك من واسع فضله. 

تذكرت حديث سيدنا و نبينا محمد صلى الله عليه و سلم 
قال: (( لأن يحتطب أحدكم حزمة على ظهره خير له من أن يسأل أحدًا فيعطيه )). 

الله يكتب أجرك يابن لافي 

شاكر مرورك العطر