تفضلوا يمكن موضوعي يفيد كم

ما انصحك فيها والله عمي معه مرسدس مسكس بغا يشتغل عليه اول شي شروط بسيطه تفتح مؤسسه وتجيب سواق وتوظف سعودي سعوده-بعدها قالوا باقي لك المرحله الثانيه الي هي تستأجر ارض صغيره نسيت مساحتها في صناعيه الطايف ولا جده ويكون عندك ورشه خاصه بالمؤسسة قال لهم ماعندي ارض الا في بحره تنفع قالوا لا بالصناعيات بس من طول وقت الاجراءات حقتها شرد العامل وهو باقي ماسوا شي-وواحد ثاني مخلص كل شي وشغال بناء وهدد كان يشتغل بالمدن لشركات كبيره يماطلون بالفلوس وبينهم عقود وكمبيالات بس مانفع الشغل معه لأن العمال يحتاجون رواتب واشاحنات تحتاج صيانه لازم يدفع من جيبه الخاص ع بال المؤسسات ماتدفع له

اللي شفتهم ماشين في الشغلة اخويا واحد اعرفة كل واحد عنده تريلا او تريلتين بس مجمعينها مع بعض ويتعاقدون مع شركات 
الشي الثاني اللي اعرفة في هذا المجال ان العمال بعض الاحيان يتصلون عليك ويقولون الكفر انفقع ويبيعون اللي معهم ويركبون مستعمل (على ما اظن)
ثم يحط الفرق في جيبة او شي زي كذا وكل فتره يقلك كفر

اول شى حدد شغلك بعدين أشتر معده وترا فيها خير اذا الله وفقك

هلابك اخووي من رأيي البوكلين افضل في المعدات الثقيله بحكم تحمله وصبره ويكون السواق عن طريقك وبالتالي تقدر تحافظ عليه ويستمر معك، ولو قلنا الايجار 700 في اليوم يطلع لك نهاية الشهر بإذن الله 18،200 ريال.


بالنسبة للقلابات مشكلتها من وجهة نظري : ان الي بيستأجرها بيخربها يعني بينقل عليها حجر و رمل وبحص وغيره ، المشكلة طبعا في الحجر ، وغالبا جلد موب جلدك جره على الشوك فاممكن تخسر صناديقك ،



بالاضافه الى سوق القلابات الطلب فيه اقل من البوكلين من وجهة نظري.


وعليك دائما بالاستخارة مهمة جدا جدا


هذا ما لدي الله يرزقنا واياك

هذي التجاره الوحيده اللي نسمع عنها ولا نشوف ارباحها 
الناس يقولون تطلع ذهب ووووو وبالاخير ما في احد نجح وسواها ! 
وينهم هالشركات  اللي تستأجر بهالاسعار ؟.

بدون اسم تسمع عنها وماتشوف ارباحها شى طبيعى جدا لنك مامارست هالنشاط 
ولو انك ممارسه وماطلعت فايده فنصيحتي لك تغير السواق

نصيحه انتظر حتى تنتهي هذه الازمه على خير
جميع المشاريع واقفه ما عدا الي تم توقيعه قبل الازمه شغالين
ومكتفين معدات
الحين السوق راكد 
فرصه الي يبي يشتري معده الحين انسب وقت بحكم توقف المشاريع
وأخيراً الارزاق بيد الله سبحانه ناس تضبط معهم الشغله
وناس العكس
ولو ان الشغل ضابط مع كل من عنده معده صدقني ما تحصل  شي
معروض للبيع
ولاكن مقسم الارزاق الله سبحانه

هذا عقد بالرياض مدهـ3سنوات
9338619رقم الآعـلان

قيمة العقد 25 الف 
مده العقد 3 سنوات 
العمل داخل المشروع 6 كيلو 
العمل دفان 
السكن الاكل الموصلات السكن الصيانه البنشر علي المشروع 
الدفع كل 15 يوم مقدم 
العمل 10 ساعات 
عند التوقيع تستلم دفعه مقدمه 15 يوم 
(حب لا أخيك ماتحب لنفسك)

عمل معقد ومتعب من واقع تجربه
العامل لئيم 
الزبون حرامي مايسدد
المعده  صيانه وورشات