رايكم بمشروع دينا تؤجر على سواق ؟

الميزة انه دخل ثابت

العيب ان اذا نجح المشروع هو بياكل ذهب وانت على ما انت عليه

اعتقد لو هو ياخذ نسبه افضل كذا هو بيزيد الشغل عشان يزيد فلوسه وبنفس الوقت يزيد فلوسك

ولو تجيب السواق من جنسيه غير عربيه افضل

ما اقصد الانقاص من حقهم

لكن فالجنسيات العربية منتشر الكذب والخداع الا من رحم ربي

غير ان العربي يبغى يرتاح وووو

الغير عربي مستعد يشتغل من الفجر ل12 نص الليل

مافي حاليا مشروع في خساره بس انصحك ببوفيه انا مجرب 

يعني الباكستاني والا الهندي والا البنقالي بيكونون صادقين.
السوداني افضل منهم وفي جنسيات عربية يخافون الله.

والله فيها خير ممتازة جدا واللي يقول امانه انت اطلب منه مبلغ كل شهر وبس ان شاء الله يطلع مليون مالك دخل انت بكذا تشتري راحة بالك

انا بعطيك الاحسن 
سطحة احسن من دينة 
ادعي لوالديَّ ولي 

السطحات شغلها ماهوب زي اول

تجيب واحد من برى وتعلمه الطرق ووممكن ما يسوق دينا .. وتبلش فيه .   شوفلك باكستاني ولا هندي من هنا .. وانقل الكفاله  .. وتوكل . عادي زي البطيخ انت وحظك يا يكونوا تمام ولا يتعبوك .. 

غالبا تؤجر الدينا بمبلغ 3000 ريال شهريا صافي بس انصحك دور دينا مستعمله نظيفه وايسوزو افضل الانواع وبعدها ميتسوبشي

اللي يقول شغل السطحات ماهو مثل اول ماعنده سالفة
جاري تو مطلعها جديدة قبل رمضان سالته
قال الخير كثييير قلت له طيب هااللي يقولون مافيه
شغل قالي هذولا ماهم فاضين ولايبي يروح للي مكان
ويرفع السعر مايقتنعً والاتحصله موظف وعنده سطحة متا
مافضا جاك يدور الشغل
السطحةً تبي لها واحد ماينام باالنهار ويصحا باليل

مشروع ناجح بي لا تاخذ لا نسبة ولا شي اعطيه راتب وركب كميرا ومراقبة المركبة تابعه بالمشوار اما تاخذ دينه يكسرها لك ونت حتى راس مالها مايطلع

انا اشوف انه من الافضل انك تاخذ عليه مبلغ ثابت بالشهر صافي لك والباقي هو يتكفل به من بنزين ومشاكل الخ ...

لانه لو شغلته بالراتب نادر ماتلقى احد بيستمر معك لان بيشوف غيره يشتغل فيها لنفسه ويكسب افضل ويبدا التلاعب 
هذا واذا كان فيه حادث لاقدر الله او خساير في الموتر بتدفعه انت 

وانت شوف بعدين كيف دخل الدينة ومكاسبها وتقدر تحدد اما راتب ونسبة واما تاجير

لا لا والف لا لاتاجرها ان نجحت هو يلهطك وانت قاعد على كم الف اخر الشهر كنها حافز صق الموتر انت وعيش التجربة انت لو معي وحدة زيها مافوت الفرصة لها مواسم طول العام الصيف تحمل خضر الحج تبيع مواد غذائية والشتاء حطب وهيك واذا كانت سطحة بتعين خير بس خل سعرك معقول ترا مادمر فرص العمل الا زيك ياصاحب المووع مع احترامي لك تجيبون عمال وتعطونهم وتاخذون الفتات وش استفدت ؟؟ ولا شي متى تبي ترجع قيمتها بعد قرن يمكن 

اي مشروع تفكر فيه حط فيه الايرادات والمصروفات والناتج الكلي بالاضافة الا نسبة نجاحه

لكن اخذ المشروع الناجح 

المشروع اشتر لك باص نقل معلمات فيه باصات حقت تويوتا تشيل 15 راكب 

على كل معلمه الف ريال يعني 15 الف ريال شهريا

نقص 1500 راتب السواق + 1000 صيانة السيارة = 12500

اضرب 12500 في 8 شهور وهي عدد الشهور الدراسية = 100 الف

طبعًا باوقات الاجازه اقلب السيارة مشاوير خاصه أو أجره للشركات تنقل موظفينها الاجانب

صدقني راح تكسب ذهب ..

موفق
ودعواتك بالوظيفه 

اشكركم على الجميع والله يبيض وجيهم وكل شخص الله يعطيه مايتمنى واكثر
استفدت من خبراتكم صراحة وباذن الله ندرس الموضوع افضل ونشوف وش حنا عليه

انا عندي قناعه اي شغل يعتبر رزق لك تعطيه غيرك يتحمله، ما مراح يكون فيه بركه طبعا الامر منوط برحمة الله تعالى هو الرزاق ، خذ الدينا واكرف عليها انت