لاهل الخبره مساعدة بخصوص القلاب

من يوم احنا ورعان ما نعرف الا مرسيدس وهي الاقوى والافضل وتتحمل 

يا ذيبان عندك الال بي هذا حق كرف وصيانته سهله بس المشكله ما عاد تلاقي النظيف وأغلب ملاكه من الافغان وما يفرطون فيه
بعدين الاكتروس طبعا هو نفس الال بي بس الموديلات الجديده تسمى أكتروس موتر جبار وماعليه غبار وصيانته وقطعه متوفره
بعدين عندك المان المان كان الناس ما ترغبه في الفتره الاخيره توفره قطعه وصيانته وصار ينافس الاكتروس منافسه شرسه حتى اسعاره ارتفعت لكن مشكلته الوحيده غلاء قطع الغيار اما الموتر ما عليه غبار جبار 
بالنسبة للفلفو موتر شيوخ يمتاز بالفخامه والقوة لكن المشكلة في قطع الغيار غاليه وغير متوفره بشكل جيد وصيانته صعبه 
طبعا ابعد عن المنافيخ لانها بتتعبك صح انها مريحه لكن تنفقع عليك كل فتره خاصة معا التحميل الزائد والسرعه الزائده بالتوفيق عزيزي

نسيت اقلك حاجه اذا المكان اللي بتشغله فيه ما فيه طلعات ونزلات حاول تاخذ مكينه حجم صغير لان صيانتها وخراباتها اقل من المكائن الكبيره 
ونسيت اقلك اذا المنطقه جبليه فخيارك الافضل هو مرسيدس بوز طبعا مقاس 24 عملي وخدوم بس عزمه ضعيف اذا المنطقه وعره خذ بوز مقاس 28

تبي نصيحتي افضل الانواع القديمه من الالبي هوا طراز 1935 يعتبر اقوى نوع في القلابات وسعره مايقل عن 100 ونت طالع
وصعب تلقى هذا النوع لانه مستحيل يفرط فيه احد ,,,,اما بالنسبه للكتروس طراز 2040 يعتبر اقل خربات واكثر الشركات
\الكبرى تستخدمه ,,والفولفو افضل نوع طراز 460  ايضا من اقوى الطرازات من ناحيه التحمل في القلابات .

ابو عقاب كفى ووفى .. ولا ازيد عليه 

الله يجزاكم خير يا ابو عقاب ونبيل ماقصرتو 
بس ابي اسالكم سؤال ثاني 
ايش الافضل اشتري اكتروس موديل ٢٠٠٠ ماشي حدود المليون
او اشتري مان ٢٠٠٧ ماشي حوالي ٦٠٠ الف 
الفولفو كنت افكر في ٤٢٠ موديل ٢٠٠٥ بس بما انه صيانته صعبة ومكلفة غيرت رأيي

خلك في المرسيدس 
ومديل 2000 قديم
في الاكترس
خذ من 2005 وفوق

ماتسمح الميزانيه يا غريب

انا مع نصيحة اخوي غريب

خذ لك اكتروس من 2005 وفوق

أسعارها من 140 الى 170

واذا تبي روح الأردن في السوق الحره بس خذ واحد معك له خبره طوووويله في السيارات الكبيره

للمعلومية ميزانيتك قليله و ما تحصل سياره بـ 100 الف

واذا حصلت والله تتعب وانت تحط فيها


ومشروع القلابات مشروع نااااااااجح خذها مني

الفولفو صيانتة سهلة عدا عند ورش طقها والحقها
قطع غيارة اغلي من مرسيدس لان اصلي بعكس المرسيدس قطع هندي وتركي وما ادري ايش
بعدين الفولفو لما تحط قطعة انساها يعني زيارتة للورش قليلة خصوصا اذا السائق حافظ علية
الكلام هذا من شخص جرب البي واكتروس وفولفو
الفولفو ملك

يعطيك العافية الشرقية ماركت
ايش تنصحني لمقاس المكينة في الفولفو وموديلها ؟

يالغالى خذ اكترس ولا تفكر فى ألمان او الفلوفو السيارتين ذى ماتصلح 
لشغل القلاب تشغلك فى الخرابات وتهربد علا طول 
دور لك جفالى ولاتقرب الاوربى كله حساسات ولازم صيانه 
تحصل مديل ٩٩ او ٢٠٠٠بالمبلغ إللى معك 
وبالنسبه لسواق انتبه تجيب واحد عمل قبل كذا بالسعوديه او يعرف احد هنا 
ترا بيطفشك من السياره بالخرابات ويجبرك بطريقه غير مباشره يستاجرها منك
أنا أقول لك هذا الكلام لنى سواق علا سيارتى ومختلط بالسواقين 
وإذا كنت مو فاضى تتابع السياره خلال ٢٤ساعه شوف لك مشروع ثانى

حيرتني زياده يا دت نت ههههه

المهندس ابو سعيد
حاول تاخذ fh12 420 قطعة الاوفر والارخص والورش تفهم فية اكثر من غيرة ولا هو معقد
وصرفيتة الديزل اقل 

جزاك الله خير وتسلم عالنصيحة انشالله ادورلي واحد من ٢٠٠٢ الى ٢٠٠٥
والله يكتب اللي فيه الخير