الحمد لله على كل حال

يعطيك العافيه شغل مرتب اهنيك والله

بالفعل حركة الهاند بريك ممله و متعبه بس هي عمليه اكثر و المشكله ان الكابريس من قديم الزمن وهو يجي بريك ارضي وانت رجعته لماضيه

شفت كيف ؟! العالم يتقدم وهولدن ترجعنا لورا.
اللومينا والكابرس الأمريكيتين كانتا تأتيان بجلنط يربط ويفك بالرجل (أكرمكم الله). أما هولدن فسبب جلنطها اليدوي هو إنها أصلاً هناك بأستراليا جلنط يدوي من طلعت السيارة في الثمانينيات أو قبلها، وشكلهم تعودوا عليه ومرتاحين معه فما حبوا يغيرونه من أجل زباين في الشرق الأوسط.

ما شاء الله عليك شغل تمام رائع أهنيك عليك وأبارك لك الجلنط الجميل والجديد :)

أنا معي لومينا رويال أبركب جلنط زر كهرب وأفوز عليك ههههههه

ما شاء الله عليك.

والله يهنيك بسيارتك ويبارك لك فيها ويخليها لك سالمة دايماً.
بالنسبة للجلنط الجديد، حق أي سيارة ؟! وبكم طلع عليك ؟!

تبي الصراحة حق هوندا جبته من برا وانضربت بالشحن ولا مشتراه رخيص مره 150 بس الشحن ضربه كلفني حدود 300  ريال
التشليح سمعت انه حولها او يمكن اقل بعد

جزاك الله خير 
+1   

ما شاء الله.
١٥٠ أو أقل أو أكثر مايهم، المهم النتيجة :).
والا هين التشاليح وبالذات تشاليح المحافظات وليس المدن، تكون رخيصة مرة مرة.
قبل شوي أخذت فحمات كابرس أمامية شبه جديدة طلعت علي الحبة بـ ١٠ ريال، يعني الطقم الأمامي بـ ٤٠ ريال وأصلي. وهو جديد بالمحلات بـ ١٥٠ ريال.

ما شاء الله تبارك الله ،، عز الله إنك ذيبان ومبدع ..

إلى اﻷمام ياﻷمير ،، 

والله عني أحب البريك اليدوي أحسه أسهل وأريح ..

وفكرت فيها بعدين .. لو السيارة بدأت تدحدر وانت برى السيارة .. وفيه راكب في السيارة يقدر يسحب البريك ويشده افضل ..

هو لو ينتقل جنب السواق يا سلام 
وبسسس 

على فكرة انا توني مخلصه امس الثلاثاء7-4 وما امداني اضبط الديكور بس انشاء الله بتشوفونه رائع

ما شاء الله، حتى الهوندا أكورد جلنطها رجلي !!
عز الله إنها موتر.

بالنسبة للديكور مكان الجلنط السابق، لو حبيت ترا فيه ورش في الصناعية القديمة يضبطونه لك وكأنه ما كان فيه جلنط سابقاً.
ما أدري كيف بالضبط بس سر مهنة عندهم.

والله اشوف اليدوي عملي اكثر .. لكن شيء جميل تسوي الي براسك دام ما من وراه مشاكل + انك مقتنع 
بالتوفيق

اهنيك الصراحة فكرة جميلة جداً وافضل من الهاند بريك اللي بالوسط تقول عجره 
تستاهل اللايك بجدارة

صراحه مكان الجلنط عند الراكب غلط وصححوا الحركه في الكابرس 2007 وفوق 
لكن ماشاءالله عليك خليت الجلنط ارضي شكله افضل بكثير الحين وتستاهل التقيم 

فكره حلوه وشي جميل…  ولكن ليه مخليها حصريه…  لا انك بترك للناس  ولا راح تكسب ذهب…  شاركنا تجربتك بالتركيب مع العده و القطع والتفاصيل

ابشر قريبا انشاء الله