سؤال لاهل التريلات عن منفذ الحديثة وعن افضل مقاس لشغل القلاب

والله اللي اشوفها شغاله أكثر قلابات السكس كونها أرخص وتشيل حموله لا باس بها

المقارنة لازم تكون لنفس النوع الشاحنة ونفس الموديل ونفس الأميال المقطوعة ...وحتى نفس نظام التعليق منافيخ أو لا قير كهربا أو لا

بعدها حالة السيارة صدم تلحيم....إلخ

إذا توحدت المواصفات السابقة لين سيارتين واحدة من ميناء جدة والثانية الاردن وطلعت الاردن ارخص بمبلغ بسيط طبيعي ...
أما مبلغ كبير ...فالشاحنات المسروقة هناك من ألمانيا واوربا كثيرة ولها أهلها وزباينها فيه ترهيم وضرب رقم هيكل !!! وغيرها من.اللعب والغش

اولا اليورو هبط 
ثانيا ا لحره تخفض اسعارها للموديلات اللي ماراح تدخل السعوديه  بعد  كذا 
ثالثا هم اشطر من  الشريطيه اللي في السعوديه فهم وخبره
رابعا معرفتهم بالسوق السعودي اما الشريطيه مخلينها اسهم

اخوي الو مرحبا اشكرك على ردك ولكن انا ابي اشغل روس على شان اذا انتهى عقدي اقدر احول من قلاب الى سطحه بدون ما اورط

********

اخوي كار تست اشكرك على ردك وانا المقارنة كنت مسويها على الاكتروس من موديل 2005 الى 2008 والمقاسات من 18-41 الى 18-44
وحقيقه الفرق كان بين 15 و 20 الف بين السعوديه والاردنية وانا اللي كنت متخوف منه هو تبتديل القطع 
يعني خوفي فحص الكمبيوتر يجي من فوق 90% بس القطع ما تجمل معي 

واشكرك على ردك يالغالي.

**********************
اخوي فهد صادق في كلامك اليورو ما ادري وش فيه تقول لاعب كورة وواحد صقعه مقص وطاح على خشته واما الشريطية اقسم بالله 
انهم مثل المنشار والحلف عندهم اسهل من شرب المويه الا من رحم الله 

اشكرك على ردك ياغلاهم

احترامي وتقديري لكم جميعاً

أبعد عن السيارة اللى عن طريق الحديثه أكثرها مشلحه ومحوله سست من منافيخ 
أنصحك بمنفذ جدة أو الدمام فقط