التريلات وتهور سائقينها. الى متى؟

لا حول ولا قوة الا بالله
هذا الموضوع لازمه حل اي و الله
قبل كم يوم والله صارت معي مثلها انا ماشي على الدائري وتريلا ماخذه اليسار ويمكن ماشي 120 و بعدها اخذ الوسط و كنت وراه على 130 و ما لحقته لا سمح الله لو صار قدامه وقوف مره وحده هذا كم يحتاج عشان يوقف
الله يلطف فينا

ياخي التريلات ماعليهم من احد 
دام معهم تأمييين 
والصورة الاولى اللي حاطها تخيل 
اللي بها عايلة وكلهم توفو وكانو منزلين مقطع 
لهم باليوتيوب > والله انغبنت على راعي التريلة 
انه تسبب بموت  عايلة كاملة وحادث  شنييع بعد 
الله يكفينا شر الحوادث 

انا شخصياً اذا شفت تريلة سائقها متهور ومسرع ... اعرف انه سعودي

الأجنبي عاقل


كنت ماشي على طريق الحرمين قبل 6 شهور تقريبا الساعة 2 في الليل .. وكان بعد كبري الجامعة تحويلة ... ومعروف ان بعد الساعة 2 ايام المدارس طريق الحرمين شبه فاضي .. وانا ماشي حوالي 120 ... شوي الا راعي تريلة متجاوز مع اليمين وداخل التحويلة بسرعته ... وكان شايل اللوحة الخلفية .. بلغت الدوريات قالوا اعطنا رقم اللوحة قلت اللوحة ماهي موجودة ... لحقته الين طلع كبري فلسطين واتجه شرقاً وبعدها تركته ... اتصلوا عليه الدوريات قالوا مشطنا الطريق ماوجدنا التريلة .. انت مسوي بلاغ كاذب ... قلت انت كذاب انا مشيت ورى التريلة الى كبري فلسطين ولا شفت دورية واحدة .. وبعدها الرجال اتجه شرق ... تبون تلحقونه ولا بكيفكم

متهورييين الله يعين يوم الاحد الصبح كنت ماشي في طريق مزدوج بس مو ملزقين ببعض يعني ..
مسار الرايح - مسار فاضي مخطط بأصفر - مسار الجاي 
كانت قدامي ممكن 4 تريلات وجاي تريلات كثيرة ايضا كانها قاطرات 
رحت أتجاوز من المسار الاصفر اي ان التريلات الى جاية على يمين ولا رايحة من يساري ( بينهم ) وطبعا دست زيادة اشان 
اعديهم بسرعة وارجع وصلت قدام شوي وصلت عند وحدة الله ستر علي منها صرت بمنطقة العميا او بجانبها ويلف علي يبي 
يتجاوز الى قدامه انا تشنجت وجاتني ام الركب في هالموقف لان في تريلات جاية ايضا في المسار الاخر 
بس الحمد لله علقت على البوري ورجع مع اني ميلت شوي لطريق الجاي شفت لمبات التريلة الى جاية بمرايتي اليسار ماباقي شي 
كيف طلعت من الموقف مدري .. حفظ من الله ورعايته انتبهو انتبهو منهم 

حياك اخوي راضي،،،،اجل سلملي عالمرور

الحل طال عمرك -- لا احد يقول هياط ..
اغلبكم بيعرفو انو اشتغل في رابغ يعني كل يوم خط 
لازم تشرب عصير يكون قزاز ترميها على قزازه عشان يوقف وتضربو ،، او ترمي عليه عطر من الدرج
الحاجة الثانية لا تفكر تبلغ لانو اغلب العسكر حقين حبوب يعني 
حيوقف التريلا ياخد منو فلوس ويمشيه
ايش ما يسوي وراك لا تبعد ولمس على الفرامل عشان يهدي
قوي قلبك ي شنب

هذا قريبي رحمة الله عليه وزوجته وبناته وعياله

اسأل الله ان يغفر لهم جميع خطاياهم وينقيهم من الذنوب والخطايا و يجعل مثواهم في الفردوس الاعلى 

قسم بالله يوم جاء خبرهم كان فاجعه

حتى الكثير ما تأثر بسبب انه ماهو مصدق الموقف اللي سار

كنا وقتها بالباحه نزور اهلنا وهم كانوا معنا بالباحه لانهم جو يزورون اهلهم هناك

فودعناهم جميع يوم قرروا يمشون

وما كنا ندري إن هذا كان الوداع الاخير

تصدقون كنا قبلها بأيام نسولف ونضحك ونذكر قصص قديمه مع بعضض بالمجلس

وفجأه دون سابق انذار كنت اللي تكلمه قبل ايام .. سار ماهو موجود بالحياه الدنيا

ودعنا وسار تحت التراب في حياته الجديده 

حتى كان عندهم بنت رضيعه ما كملت سنه .. كانت بحضن امها .. ومن شدة الحادث

الام نزلت على البنت لمدة اكثر من 4 ساعات و البنت في حضن امها والام معطوف ظهرها والبنت جوا حضنها

لين ما قصوا التنده وقصوا الحديد و شالوا التريله .. وجينا ندور للبنت ما حصلناها .. واكتشفنا انها جوا حضن امها وامها سارت مثل الحصا

ما نقدر نرجع ظهرها لوضعها الطبيعي .. سار مثل البلك .. وتم دفن البنت والام في قبر واحد

يالله إنك ترحمهم وتصبر اهلهم وتصبرنا

صدق بعض الصور تفتح جروح منسيه

ما الوم اللي يقول لا تنزل صوره فيه شيء حزين

لانه يمكن يشوفونه اهل الميت وتفتح عليهم جراحهم من جديد

وللعلم ترا الحادث كان في طريق مسارين .. رايح جاي

وكان قريبي طارق ال شايق الغامدي رحمة الله عليه .. ماشي بطريق والتريله في الطريق الثاني عكس

فكان قدام التريله هايلكس ضرب فرامل عشان الزحمه والتريله حسبي الله عليه والله ينتقم منه

لف ودخل بالشارع الثاني اللي هو معاكسه تماما وجهه لوجهه

وتفاجأ قريبي هو وعائلته المساكين بالتريله اللي جايه عليهم

وقتلتهم جميع 

لا حول ولا قوة الا بالله

لو بيدي كان سجنت راعي التريله اكثر من 10 سنوات وتدفع الشركة فديه لاهل الاموات جميعا

لانه لو كان منتبهه لو كان مهدي ما كان سار اللي سار

لكن من امن العقوبه اساء الادب .. وما فيه نظام صارم .. والله يا سواقين ياكلون بالحبوب ويضيعون ارواح 

لنا الله هذا اللي اقدر اقوله

حسبي الله عليهم 

شكلي بلحق واحد يوم راعي تريلة متهور واجيب فيه العيد 

انا شفت مقطع وثائقي لشرطة يدورون حل كيف يوقفون التريلات الي يسقونها مجرمين وسكرانين

اكتشفوا طريقة يقلون يلحق التريلة من ورا ويصدمها ومدري كيف وتمسك فيها الفرامل علطول تلقائي 

بدون تصرف سواق التريلة .. 

وش رايكم نسويها ونخليهم يهجدون طبعا لازم جمس قديم ولا سيارة في دعامية مثل حقت المرور 

السلام عليكم 

المثل يقول من أمن العقوبة  اساء الأدب 

في الامارات سايق الشاحنة المخالف و يهدد حياة الناس عقوبته غرامة 10000درهم والإبعاد عن الدولة و إذا كان مواطن غرامة 10000 درهم زائد السجن لمدة لا تقل عن ستة اشهر

عشان التكشيحه (التكب....) ﻻيك

الموضوع  حلو لكن بدايته مالها داعي

والله طالما المرور راقد وش تقدر تسوي؟!
لكن أقول لك طريقة ويمكن ماتكون حل..
لكن لها آثار وتفاعل من الناس
وهي أنك تصور تصرفات السائقين المتهورين
وتنشرها في اليوتيوب وتويتر كذا ممكن تصير قضية راي عام
وتتبناها الصحافة وتجبر المرور على التدخل
مالنا الا كذا وش نسوي!

والله يا نبيل فكرة حلوة

تذكرون زمان قبل لا تنتشر شركات التأمين

كان سائقين الشاحنات افضل قيادة بالطريق وكان مافيهم احد يسرع وملتزمين بالقيادة الآمنه

لكن الآن فيه تأمين والتريله صعب تتأثر من سياره صغيره فلذالك صار العامل ما يفكر

يدهس السياره الصغيره ويعطيك نسخه من التأمين ويواصل طريقه

بعض سواقيين التريﻻت يسوق التريله كأنها يسوق أكسنت سرعه وتجاوزات مره صار لي موقف يالله لك الحمد أنك سترت علينا ونجيتنا من حادث كاد يصير بس بحكمة قادر سبحانه نجانا من الحادث المهم كنت ماشي بطريق وكان قدامي مطب وتقاطع اكس المفروض تكون اشاره حطوا اشاره وﻻ شغلوها المهم بعد ما تعديت المطب اﻻ جتك ذيك التريله الطويله ومحمله اسطوانات غاز يمكن فوق 200 اخذ التقاطع بدون ما يوقف وسقط قدامي قدامي وأنا الحقه واخذ رقم لوحته وابلغ المرور وﻻ ادري عنهم مسكوه واﻻ ﻻ .. الحمدلله اللي نجانا من الحادث وكانت أمي وأختي معي رايحين للمستشفى

والله التريلات مهابيل انا ابعد عنهم .. ما انصح احد يتحرش فيه ويهدي بوجهه ما تدري يكون بالع ولا شي ترا انت تموت وهو ما يجيه شي
والله في طرق انا امسك اليمين وماشي 120 والتريلات ماسكه الوسط تتعداني !! انقلبت الموازين ولا جيت الوسط خرشوك بالبوري ههههه

الاخ ابو يزيد

اهم شي لاتنسى ان الحادث من قدر الله تعالى

لااقول الاكلمة واحدة ( ربنا يجعل مثواهم الجنة)

والله العظيم اني ملاحظ هذا الشي بعد التامين وكم مرة شفت فيهم تهور
اول كان ينتظر حتى والان ماينتظر يحرك من المحطه على الشارع العام انت لازم تهدي وتلف عنه
وهذا شي خطير