اهل الخبرة بالشاحنات

انا راح اجاوبك على السؤال  الثالث  فقط
التكلفه راح توصل 900.. 100000 تقريبا

زود صفر بعد 100000

اولا اهنيك على فكر التوسع في الرزق 
 
السؤال هل وجدة عقد للثلاجة ؟ اغلب من يشتري ثلاجة بلك صندوق قلاب في الاخير يبيع وين المشكله في العمل انه ما يلقى شركة تتعاقد معه ..

الي اقترح عليك فيه انك تاخذ راس تريله اكتروس موديل 2004 الى 2006 او 2007 حسب ميزانيتك ويكلف تقريبا 155 او حولها 

او راس فلفو طبعا هو ارخص و ما يمسك سعره و زائد القطع غاليه و الورش مو كثير يعرفون له 

و تشغله سطحه طبعا الراس تسجله على اسم زوجتك او امك و تشوف لك نقلات لكن اطلب دائما الرزق الطيب الحلال و لا تضايق غيرك 


## يعلم الله لو جلس اي احد يدور معلومات مثل الي انا كتبتها انه ياخذ شهور عشان احد يفيده  لا حول ولا قوة الا بالله
و الي متعارف بين اهل الاعمال يقولك اذا عرفت شي لا تعلم به غيرك حتى تستفيد منه 

لكن الرزاق الله و هذا شي هم يجهلونه الحمدلله على نعمته 

 **** طبعا كل الي ارغبه منكم الدعوة في صلاتكم لي بالفردوس الاعلى و السعادة في الدنيا 

الله يرزقك ويوفقك اخي الكريم

خلك في الاكتروس هو الانجح

مشكلة الاكتروس انه كله فيوز و كهرباء تعطية سواق تعبان يعدمه لك و اذا عندك سواق كويس و ثقه و بتشتغل السيارة خطوط الاكتروس جيد ... لكن انا افضل يكون البي 1935 او 1735 قير عادي سست امامي و خلفي هي افضل شيء سعرها تقريباً من 100 الف الى 130 الف حسب النظافة ... و اللي اهم من السيارة ( الـــســــواااااق ) الامين و يحافظ على السيارة .

و انا انصحك بالقلابات او التانكيات اذا كان عندك لها شغل او تأجرة على شركة يكون شغلها طيب .. احسن من الثلاجة الا اذا للثلاجة شغل كويس , الله يوفقك و يرزقك من واسع فضله

الثلاجه شغلها بسيط ومايسوى تعبها في حالة انك ما لقيت احد تتعاقد معه
اذا ملزم عالثلاجة خذ دينا جامبو وطول شاصيها وركب ثلاجه وهي تفي بالغرض لانك بتنجبر تنقل مواد غذائية وادوية
ولحوم ومن هذا القبيل وهذي الشغله يبيلها عقد او ناس تشغلها لك 

بكذا بيصير شغلك وهو الافضل مكاتب التخليص الجمركي احيانا يحتاجون ثلاجات لنقل الادوية والمواد الغذائية
أو شركات الادوية والمستحضرات يستأجرونها باليومية 

انصحك براس البي أو اكتروس وتشغلها سطحة
السطحة شغلها اكثر وما بتنجبر على شي معين 

بتنقل وبتشتغل في كل شي 

والافضل سطحة نقل المعدات 
وعليك بسواق ممتاز ما يتعبك ويصير فاهم السيارة واعطالها

بعض السواويق ما شاء الله عليه ميكانيكي من كثر ما يعرف وش في الراس الي يسوقه

موفق

الله يعطيكم العافية وما قصرتوا
إذا ابغى اجيب سواق عام ما هي الاجراءت المتطلبات ؟
ولك الشكر الجزيل.

اشتر تريﻻ وكاااااااله وبس  على الزيرو وريح راسك ضمان سنتين مفتوح العداد وبتخدمك اكثر الى 5 سنين زي الحﻻوة

شوفوا اوروبا كل تريﻻتهم موديﻻت جديده واذا تقادمت اما باعوها تصدير لدول الخليج وﻻ تشليح
والشركات الكبيره عندنا يجددون سيارتهم بعد عمر معين 
ﻻن اي محركات لها عمر بعد هالعمر ما منها جدوى بمعنى ماوراها عيشه وافهم يافهيم

أبو جسار123
رأس التريلا الجديد لا يقل عن 350 ألف إلى 400 الف ريال
,,,, ولا تنسى السطحه لا تقل قيمتها عن 40 الف والكفر لا تقل قيمته عن 8000 ريال ولا تنسى تأشيرة السواق بـ 2000 ريال وغير إصدار الإقامة ورخصة العمل ورخصة اقيادة وتوظيف سعودي وتسجله في التأمينات وتدفع مقدم 3 شهور ,,, متى إن شاء الله راح يرجع راس المال ,,,, وهذا إذا حصل شغل مستمر ؟؟؟

والمستخدم النظيف البطاقة الجمركية يؤدي الغرض ,,,

يوجد لدينا عدد 2 قلاب سكس بوز 17متر موديل79 و81 
يوجد لدينا عدد 1 وايت ماء سكس نظيف للايجار
للايجار الشهري والسنوي بدون سائق المعدة نظيفة وعمل لها الصيانة اللازمة نرحب بالوسطاء واصحاب العقود الطويلة وكل من يسعي في ايجاد عقد مناسب سعية محفوظ والله يرزق الجميع ابو تركي الرياض
naema2909@hotmail.com

هاه وش صار معك بعد ماجربت

يااخوان عندي مشكله في الفلفو اذا احترت تطفى علي وبعد ماتبرد شوي تدق سلف تشتغل معك حق ابو ٣ كيلو ثم ترجع تطفى يااخوان تكفون شوفولنا حل يااهل الخبره