لمن أراد الإستثمار في مجال الشاحنات والنقليات والمعدات
19
6
إضغط هنا للإخفاء
بسم الله الرحمن الرحيم
كثير من الناس في الآونه الأخيرة لمن أراد زيادة دخلة فكر بمشروع تجاري
والكثير سقطت أفكارهم في بحر المعدات الثقيلة وبالأخص القلابات
وهم يسمعون المبالغ الرنانة التي يسمعونها من عروض نقل الحجر والرمل والبحص
والاسفلت
ولا يعي توابع هذا العمل فالغالب من صغار المستثمرين
يتوجه للبنك ويستخرج قرض بأي فائدة كانت
ويشتري راس وصندوق ويطبح في بحر المغامرة
ياإخوان اللي قاعد اشوفه في السوق والله شي مايسر الخاطر
هذا مجال صعب ومتعب ومرهق وبالأخص القلابات
حيث انها تطلب منك كفرات باستمرار وصيانه باستمرار
وسائق محترف القلاب سواقته صعبه
على سبيل المثال شخص يحب يترزق الله سحب قرض بنكي
وتوجه عالمعارض راح يشوف الصناديق الجديدة اللي قواعدها صيني
الله اعلم بكرة مع الشغل الثقيل وش بيسير فيها
ومن ثم راح يدور راس ويجيك واحد ينصحه ويسوي له فاهم
لاتاخذ الا اكتروس بطاقه ولا فلفو بطاقه
ويدفع المسكين ١٥٠ ولا١٦٠ الف في راس
ويدفع ٦٠ ولا ٧٠ في صندوق
الحين الكلام انه راح يتقاضى ١٨،٠٠٠ شهري
طيب انا بوصل معكم للآخر
جا دور السواق والسايق هنا موضوع بلحاله
طبعاً لازم خبره
ويدور سواق تنازل ويلقى ب١٠الف ولا١٥الف
ويدفع وياخذ والسواق مافكه راعيه الا انه يابدا يتلاعب معه
او بدا يطمع ويطيح في راس الضعيف هذا
ويعطيه رواتب ٣الاف و٤الاف غير التربات
هذا اذا ماطمع السواق وطلب زيادة وراح يطمع بالذات الباكستاني والافغاني
لين يوصل لمرحلة انه يشاركك حلالك
واذا طاوعته عز الله ماسلمت منه
واذا وريته العين الحمرا بيسلك معك بس استنى عليه شوي
وشوف كيف يبهذلك بالذات لا درا انك دافع في مبلغ تنازل
بيسرقك في البنشر بيسرقك في الصيانة ليعطلك عن العمل وهلم جره
نرجع لموضوع الشغل واصحاب الشغل الفردي الا على سيارة وسيارتين
ياإخوان الشغل لازم متابعه ولازم ادارة ولازم جدول صيانة دورية
ولازم اشراف ميداني وورشة متنقلة غير الورشة الثابته
لو تلاحظون الشركات والمؤسسات الكبيرة والمتوسطة
بحسبة تجارية
لكل ٢٠شاحنة يوجد ٥موظفين مابين مشرفين وفنيين وغير ذلك
اما اصحاب العمل الفردي فلا يملك سوى الاعتماد على السائق
واذا تعطل يروح يمسك سرا فالصناعيةوما ادراكم مااعطال الشاحنات
ممكن توقفك ٣او٤ ايام عن العمل والوقفة محسوبة عليك
بينما المؤسسة تملك مهندس وفنيين يباشرون العطل فوراً
ويحلون المشكلة
عشان كذا لو تشوفون ان اكثر الاعمال يطلبون عدد سيارات بعقد واحد او عقدين
ولا يلتفتون للفردي الا في الاخير
شغلة ثانية يا اخوان عشان مشروع النقليات ينجح
ماتعتمد على شغل الغير اللي هو شغل الردود وغيره
المشروع ينجح ويقفز قفزات كبيرة اذا انت امتلكت المعدات اللازمة وسحبت مناقصات بنفسك حتى لو مناقصات صغيرة
ومناقصات بالباطن هنا انت وصلت بداية النجاح
لكن لو تشتغل عند خلق بالردود ولا فكرت تطور نفسك
بتقعد طول عمرك كذاولا راح تتقدم خطوة وحدة
إبلاغ
الردود
0
0
الله يعطيك العافيه يبو بندر وماقصرت صراحه ان موضوعك جميل جدا جدا
وكلام في الصميم قليل اللي ينصح من قلب
انا عندي فلوس حقت قرض وكنت بسوي كذا
وناوي التطوير بأذن الله بس ما نستغني من نصايحك الطيبه ولا مشورتك
وشكرا
قبل 8 سنه