ماهو افضل مشروع لتريله اكتروس

خذلك سطحة وركب فيه ونش بحيث يخدمك أكثر ووزع رقمك على المرور والدوريات في المنطقة القريبه منك وعطهم نسبه يعني اذا جاب لك زبون له 30 ريال مثلا والله يرزقك

اخوي 
انا عن نفسي اقول 10الاف اشتر فيها جنيهات او سبايك ذهب

واذا ارتفع السوق بعها راح تجيك ارباح ممتازه بدال 10الاف ..25 الف 

..............
افضل راس تريلا بلا شك مارسيديس 2007 وطالع

السلام عليكم ورحمة الله وبركاته    شكراً على هذا مواظوع جميل يا اخوي الله يرزقنا جميعن       انا اسمع عن شحنات مشتغلة فيها انحط تخذ تأجير شاحنه شهر ٢ عشان تعرف طريقة شغل  وذا كان فيها ربح بعدين اشتري شاحنه     لو حطيتها في بطايق أحسن وطمن انشاء الله 

انا ودي اشتغل في ذهب معرف شيء امكن تعلموني 

انا ودي اشتغل في ذهب معرف شيء امكن تعلموني 

دامك عاطل نصيحتي لك خذ لك راس واشتغل بنفسك والله يرزقك ان شاء الله واعرف كم واحد عينو منها خير خصوصا اللي شغال بنفسه 
وانا مثلك مبتدى وسالت اكثر من واحد ونصحني بالسطحه فيها خير والقلاب بعد طيب بس ان اعطاله كثير على كلامهم ومن وجهة نظري خذلك 
 راس البي بحدود 100 الى 105 وان شاء الله تجيب شي نظيف ويكون مقاس 1735 او 1935 لان الحجم هذا مناسب اذا مااشتغلت سطحه شغلها قلاب تتحمل
 واستاجر سطحه لمدة شهر
  شغلها في الاعلاف تودي حملات  لاي منطقه والله فيها خير واقل اعطال  والله يرزقك من واسع فضلة 

فلوسك تجيب لك اكتروس من ٢٠٠١ الى ٢٠٠٣ الماني طبعا ماهو جفالي 

او اكسر موديل ٢٠٠٥ 


انتبه انتبه تشتغل على قلاب وووجع راس وسيارتك تتكسر بالرمل صح دخله كويس بس ترجع تحط فوق نص ربحك بصيانات السيارة 

بالنسبة لباقي الشغلات سوآ جوانب او سطحه لا بأس بها 

انت مبتدئ بالشغله وتقول انك عاطل اشتغل فيها انت لين تفهم الشغله الصح وبعدين جب لك سواق لأن مهما شرحوا لك الناس ماراح تعرف الشغل كامل الا اذا مارسته بنفسك  


والله يوفقنا وياك 

اخوي هالحين مع المنع داخل المدن . صارت الفايده  ماهي ذاك الزود, اول رد من جده للرياض يوم ونص وانت منزل حمولتك والحين الرد الواحد ثلاث ايام.. قيمة الرد الواحد  1200 للسطحه وانتظر رد من االرياض لجده وتقريبا نفس السعر او انقص شوي ومره ثانيه  تنزل يومين الى ثلاث وغيير يوم الجمعه اغلب مستودعات الشركات مقفله يعني اسبوعيتك راحت حول 3000 ونقص منهاا مصاريف السياره والشخصيه . كل هالشي بسبب منع السيارات الكبيره داخل المدن . هذي نصيحتي لك لو تبي تدخل بالسيارات . ولو انت مصمم على السياره خذ قلاب وارجرهاا على شركه بعقد شهر يصرف على دفعتين كل شهر . ودامك انت اللي بتسوق سيارتك فأكيد راح تهتم لها وتكون رايق فيهااا. والله يوفقك

^^ على كذا لو يكد له كامري اوفق له 


ياصاحب الموضوع انا عندي تانكي ماء وسطحة ولو حبيت تستفسر وتبي زيادة معلومات كلمني خاص وانا ناصح لك لوجه الله ماابي لك شي 

انا اشتغل في معداتي بنفسي و الحمد.  فلووس و انا الامر الناهي على نفسي لا عسكري يذلك ولا دوام يقطعك من الناس و تهتم لحلالك و تتعلم و تجيب غيرها انشاء الله ش

ابغى اشوفكم الحين ياذولا باقي اتايشون ولا هجدتووو

ههههههههههههههههههه
بيجيب الله الخير

ليه يعني ما اشتري لا تريله ولا دينه ولا سطحه ؟

ي ابو ناصر فيه ناس تبي تستفيد ليه فالخاص