الرجاء حذف الموضوع

اسعارها بالسوق متفاوته على حسب اللون والموصفات والنظافة السعودي يفرق عن الأمريكي من 10000 الى 15000 ريال
هذا بالنسبة للمعارض 
 مكن يكون سعر اللي معك من 55 الى 65 
ومبروك السيارة الله يعطيك خيرها يكفيك شرها 

انتبه قطع الغيار تختلف في بعض الاشياء وتظطر تطلبها من امريكا

لاني سبقت وطلبنا لافالون امريكي قطع من برا ماركبت الي هنا

 fasool95 37 
لا والله اخذتها اغلى من كذا لأن السيارة جمرك بس ممكن الاسعار اللي انت ذكرتها فعلا اسعار الامريكي بالمعارض ويعطيك العافيه اخوي
.................
اخوي عبد الله بالنسبة للقطع مافيه اي اختلاف واخوي معه وحدة 2007 لها فوق 4 سنوات معة وهذا اللي خلاني اتجه للامريكي اللي اعرفة قطع استهلاكية نفس القطع بالضبط وبرضو فلتر القير والوجه نفس السعودي بس اذا تعرف شي ممكن توضحة لنا؟
علماً بأن كلتا السيارتين تجميعها بامريكا بمصنع واحد لكن الشرق الاوسط له مواصفات ومقاييس وامريكا كذلك الاختلاف راح يكون في قرائة عدادات ومرايات خارجية فقط

مشكلة الاستخدام إنه وقت البيع ما يجيب السعر العادل للسيارة
الشريطي والصالات لا باعها لك قال الامريكي مواصفاته أفضل من السعودي ويقعد يمدح في السيارة
وإذا جيت تبيع يبخسها ويقولك الأمريكي ماهو مرغوب مثل السعودي

كان عندي أفالون أمريكي 2008 تورنق فئة بين الـ XL و اللمتد فتحة وشاشة ملاحة ينقصها عن الفل بصمة وتبريد مراتب
شريتها قبل سنة بـ 75 ألف وكانت نظيفة جداً ماشاء الله داخلية وبودي
بعد تقريباً 11 شهر استخدام اضطريت أبيعها وبعد تعب وفرفرة في المعارض بعتها بـ 55 ألف

كل ما شافها شريطي في المعرض يسومها ببخس وأكثر واحد وصل سوم 50 ألف ويقول الامريكي ماهو مرغوب



اخوي abdullah9876
ايش القطع اللي مالقيتها وطلبتها من برى ؟
وكم موديل سيارتك ؟

كل القطع اللي غيرتها لقيتها موجودة هنا 
القطع الاستهلاكية بشكل عام

ابو العنود ابشرك انا مب راعي بيع انا عندي كامري 2004 طلعتها على يدي ولازالت معي ولا نويت ابيع اذا الموتر ماطلع به مشاكل وعيوب عز الله مافكة لين تلفظ انفاسها الاخيرة انا ماحب اغير بالمواتر طالما محركاتها سليمة ومكيفها وتقدر تمسك خطوط والله ماغرها واخر مايهمني الموديلات والكشخة .. وفعلا كلام ابو العنود صح الشريطة يخسفون لابغو يشترون يطلعون مليون علة ولا ماحصل قال مو مرغوب بس انا عندي مرغوب طالما وجود عندنا2007 كرفت كرف الحمير وانتم بالكرامة والله ماقالت لا والحين ماشية فوق 360 الف

الافلون الامريكي افضل بكثر من ناحية المواصفات اخوي معه افلون امريكي 2008 فل الفل يكفيك فيها رادار ونفقيشن 
وغيرها بس رووعه ماشاء الله لها سنتين معه والله العظيم قبل مده قصيرة عرف ان فيها تشغيل عن بعد 
قاله واحد من الاقارب جيب ريموت السيارة المهم شغل السيارة من بعيد اخوي جلس ساعه فاغر فمه هههههههه
مو مصدق ماني متذكر الطريقه جربوها بس تضغط مرتين والثالثه تعلق عليها لين يطلع صوت وتشتغل بعدها السيارة
بس مادري اي زر جربو كل الازرار انا جربتها في سيارة واحد من الزملاء معه افلون 2009 سعودي جربت بس مافي 
تشغيل عن بعد مثل الامريكي رغم انه فل كامل وفيها ميزة ان الامريكي تقدر تشيك على زيت القير من فوق وانت واقف 
اما السعودي فلازم تحطها في حفرة وتشيك على الزيت من تحت من الاخر يالبى الامريكي 

مهووس سيارات
كلام سليم مية في المية الافالون اللمتد الامريكي بعضة يجي عليه ردار ونفقيش وبعضة يجي نفقيشن بدون ردار وبعضة مايجي لانفقيشن ولا ردار رغم اللي معي قئة الفل اللي يجي شبك ذهبي وكتابات اللي ع الشنطة بالذهبي واغطية الجنوط ذهبي

بس انها بدون ردار وبدون نفقيشن وانا متعمد لان الردار يجيك ع الصدام الامامي اي ضربة رصيف ممكن تسبب مشكلة فيه وانت عارف الردار يصير متحكم بكمبيوتر السيارة عشان كذا ابتعدت عنه بس مفيد للزحمة يمشي الموتر من وحدة ويخفف من وحدة مثل زحمة الدايري بس انا بصراحة اخاف منه

الله يعطيك خيرها ويكفيك شرها

القطع لا يوجد اختلاف عن السعودي

المساعدات تختلف من صالح الامريكي طبعا افضل 

الاختلاف الرئيسي 
كمبيوتر المكينة لازم امريكي وبتشاليح الرياض موجودة
وكمبيوتر نسيت وظيفته لكن لا خرب تطلع ريحة كربون قوية وتفته 
ولازم تغير كمبيوتر امريكي السعودي مايركب

بالتوفيق

انا عندي افالون امريكي ٥ سنوات زي اللوز 

دام الموضوع طوف وحوف ممكن احد يفيدني هل الكمبيوتر حق المكينه هو نفسه المتحكم بكل السياره والاىفيه غيره لانهم قالو لي فيها ثلاثه خاصة الافالون واحد خلف المكينه والثاني تحت مرتبة السواق والثالث في الشنطه حق الرسيفر والخرايط  وايضا انا عندي حق المكينه متهشم اثر صدمه والسياره امريكي هل ينفع من التشاليح ودمتم سالمين شاليح 

اتمنى من الاداره حذف الموضوع