وش افضل نوع للشيول وهل هو مربح

والله مااعرف اسعارهم لكن اكيد مربح واي عمل بهالاراضي الطاهره فيها ربح بشكل غير طبيعي لكن مشكلتنا كشعب كسسولين مانحب نشتغل ولا شوفو العمال ماسألتو عمركم ليه يجون هنا تهريب وذل وقطع مسافات ؟ لان هالأراضي مباركه وفيها خير ولله الحمد لكن وين اللي يشتغل

توكل على الله وأشتر وإن شاء الله ربي يرزقك من حيث لاتحتسب

والله يا أخي بأقلك على شيء , المعدات مربحه وفي نفس الوقت متعبه وفي نفس الوقت ( ربح شهر أو شهرين تدفعه في أسبوع واحد صيانة وأعطال )
هذا اللي عندي وسلامتك ,, طبعا هذا الكلام من سابق تجربة

راعي الهيونداي الله يجزاك خير ويبيض وجهك وانا والله ماني شاريها الا ابشتغل فيها وسمعت ان فيها ربح بس مادري وش النوع الزين والاسعار لاني ابي نوع يصبر وقطع غيار متوفره اذا لا سامح الله جاها شي وتكفون الي يعرف ياليت يفيدني

اخوي ابوحيان ممكن تفيدني كيف اطلع ربح اكثر و متعبة من اي ناحيه اذا تقصد اتعب وانا اشتغل فيها هذا شي طبيعي لان مافيه شغل بدون تعب بس اذا فيها تعب من ناحيت مثلا اذا جاها شي لا سامح الله ما القاء قطع غيار او شي ياليت تفيدني وشكرا

اخوي ابو حيان وش هي اكثر الاعطال الي تجي الشياول وشكرا ومشكور اخوي راعي الهيونداي

كاتربللر رقم واحد وقطع غيار متوفرة نوع 950 أو 966 مثل التويوتا في السيارات وما ينزل سعره في السوق ، كوماتسو درجة ثانية الحجمين المماثلة للكاتربلر وقطع غيار متوفرة أيضاً ، وعندك أيضاً فوركاوا ياباني وعملي ولكن القطع أظن ما تلقيها إلا عند الوكيل ، كاوازاكي ما هو بطال ، وفيه أنواع جديدة في السوق صيني لكن ما أدري عن كرفها وتحملها ، والله أعلم  

الله يجزاك خير ويبيض وجهك اخوي رعد

افضل انواع الشيولات كتربلر والاحجام لكل عمل حجم ال966 للحفر والغرابيل والاعمال الشاقه مثل المشاريع وكثر القلابات 
950 اقل درجه وانتاجيه من 966
930او936و920 او926 تصلح للبرح والتنضفات ومصانع البللوك واعمال الصيانه والمزارع 
الاعطال الشيول النضيف مكينه وقير وعلى راس العمل يحتاج صيانه يوميه مثل تنفيخ فلتر الهوا  وتشيك الزيوت والشحم والمويه
اذاهذي مواضب عليها ابشر بكل خير ومكينه تمشيك الي ماشاء الله وقير انس خرابه واالله الله بلسواق
ومن ناحية القطع تحصل الاصلي والامريكي والايطالي والصيني وكلها تكد ومتوفره بشكل كبير واسعار متفاوته 
المعدات بصفه عامه حساسه قد تخرب في لحضه بسبب سوء الاستخدام

الانواع تختلف الاهم كل يرجع على السائق 

مدونتي 
http://image-2016.blogspot.com