سؤال عن القلابات ... للي يعرفون فيها؟

باكستاني متقاول معه يجيب لي دفان كان معه جاك
ما كملت معه شهرين وهي جديده

شرا ديهاتسو نفس الي بالصورة

طبعا سألته بحكم لقافتي ليه غير السيارة

قال الجاك تحتر !!
يقول مشاورين ثلاثه واوقف تحميل

عجز عنها حسب كلامه


والدينات عموما سواء قلابي ولا سطحة ولا صندوق
السوزو رقم واحد وبعده الميتسوبيشي والديهاتسو

اذا عندك مؤسسة مقاولات خذ قلاب دايهاتسو موديل 84 لحد موديل 80 مكينتها 4سلندر بنزين ! بس قوية بشكل غريب واسعارا من 25الف الى 30 الف 
او اشتري تويوتا نفي الموديلات تجي نفس المكينة 5R  محرك قوي!وسعرها اقل من الدايهاتسو شوي!
او اشتري تويوتا موديل 90-88  تجي المكينة بنزين 3Y مكينة قوية وتتحمل !
ابتعد عن الديزل تكلفت توظيبة غالية وانت ماتحتاج غير حمولة بسيطة 3 طن تلقاها في البنزين

معلومة : قلاب الديهاتسو توقف انتاجه آخر موديل له 2010 واستبدل بقلاب تويوتا ، طبعاً المعروف الديهاتسو تقنية ومكائن تويوتا ، القديم منها كان موجود الديهاتسو والتويوتا على حد سواء لكن الاختلاف في الشكل الخارجي .
الايسوزو قوة جبارة ما بعدها شيء طبعاً من واقع تجربة مع أخي واحد التعشيق واحد ما يعرفه عزم وقوة ، تحمله 100 كيس ، 200 حبه بلك ولا عنده أي مشكلة هذا طبعاً إلي حمولته 3 طن ، التويوتا ما عندي فكرة عنه ، لكن يبدو أن ما هو بطال وقطع غياره أرخص من الايسوزو هذا كلام أحد الاخوان عمل بينها مقارنة في القطع ، خذ مثلاً الفحمات الأمامية الايسوزو بـ 800 ريال والتويوتا بنصف القيمة ، فيه كذلك الهونداي قلاب حمولته 4 طن لكن ما ندري عن تحمله وكرفه ، أما الجاك ما يصلح بريال ، خرابات وحرارة ترتفع ، الايسوزو رقم 1 ثم التويوتا رقم 2 ، والله أعلم

سؤالي للاخ الي فوق انا حصلة قلاب دايهاتسو مديل 85 وكينته 3R مادري كيف عزمه مع ان القلابات الي اقل منه موديل 5 R
ابي نصيحتك الله يجزاك خير

مكينه 3R في القااب 85 كيفهي مع الطلوع

أيضا يا اهل الخبرة وش تفرق مكينة قلاب دايهاتسو مديل ٩١ عن ٨٤