مساعدة في اختيار راس تريلا

السلام عليكم ورحمة الله وبركاته

احبتي في الله

انا مقبل على شراء راس تريلا وكنت على وشك شراء راس مان من هولندا بس مالله كتب
دخلت السوق وشفت العروض وانفر مخي

ابي اهل المعرفة والمجربين والي عندهم خبره يشيرون علي بالراس الي بيخدم معي وقليله اعطاله

غرضي من الراس اني بحط عليه تيدر سطحة وشغلي مابين الرياض ومحافظاتها ومنطقة القصيم ومحافظاتها
مايهم قير عادي او تماتيك الاهم سيارة قطعها متوفره وصيانتها سهلة

كنت ناوي على المان بسبب اسعاره المناسبة نوعا ما لكن يقال انه غثيث
الاكتروس غالي

ميزانيتي الى 75 ألف ممكن تزود الى 85

السطحة موجوده لكن ينقصني الراس

وش أفضل سيارة ممكن اشتريها وموديلها حديث نوعا ما
2003 وفوق

جزاكم الله خير

إبلاغ

الردود

الله يبارك لك ان شاء الله

هو زي ما اتفضلت الاكتروس في الوقت الراهن افضل وخارج المقارنة لكن مشكلته سعره عااالي

ناس تمدح الفولفو
وناس تمدح ال بي

للامانة الروؤس الجديدة ماسقتها عشان اعرفها
كان عندي مرسيدس موديل 74
ماشاء الله تبارك الله اعطاله وخراباته قليلة مررررررة
ويتحمل شغل وكرف

العمدة 1434 1189
قبل 10 سنه و 4 شهر

البي غالي اسعاره من 90 وفوق ويوصل اغلا من الجديد السبب انه اعطاله قليله وبدون حساسات ومعروفه اعطاله
عندك الاكتروس حلو وعندك الارقام الي على الباب مثلا 1843 يعني عرض الشاصيه 18 وقوة المكينه 430 حصان طبعا النقل اغلبها 18 فقط القلابات 20 على 430عندك الفلفو اتش 12 430 او 420 ناسي رقمه بس افضل شي اتش 12 مكتوب عليها ابعد عن الروس الي امامي منافيخ مدام سواق بتحط عليها لنه افضل سست وعمليه المنافيخ للي بيدور الراحه

princ 18875
قبل 10 سنه و 4 شهر

افضل شي للمكدة الـ ال بي , بس انها غاليه , اما الفولفو والمان ما جربتها لكن الناس تشتكي منها واسعارها نازله ,, والمثل يقول أشتر طيب تسمى رابح ..

الله يوفقنا وياك والاعضاء ..ويغنينا بحلاله عن حرامه .

تغيب الناس 909
قبل 10 سنه و 4 شهر

من راي مافرقت 20 الف راح تدفعها بعدين في صيانات غاليه وكثيره

خذ ال بي افضل

ibrahime 1196
قبل 10 سنه و 4 شهر

مشكورين بارك الله فيكم

لقيت راس امريكي فولفو NH بوز موديله 2000
هل هو يطابق الزاهد ؟

راعيه يحلف ويقول قطعه الي اشتريها فولفو FH

naac 2 2722
قبل 10 سنه و 4 شهر