يا اصحاب التريلات

حنا اخذنا سعودي واخذنا الماني
واذا اخذنا الماني اول شي نغيره البلف حق الحراره عشان ما ترتفع الحراره وبعدها الوضع ميه ميه
ما عليك خذ الماني وانت مرتاح
وابعد عن الفولفو
وصحيح ان الفولفو ممتاز
لكن العيب عندنا مافي ميكانيكين وفنيين فاهمين لصيانته صح
اغلب الميكانيكين هنا للمرسيدس
ودامك بالسعوديع لازم تمشي زي العالم

انصحك بفولفو 420 
او اكتروس 2040 الجفالي 
غير النوعين  هاذي لا تدور 

خذ مرسيدس اكتروس بطاقة جمركية ارخص من الجفالي وقطعها متوفره ويوجد ورشة كثيره اصبحت متخصصه فالاكتروس
اما الجفالي مصممه للقلابات وماتحصل النظيف فالسوق ونادره
والفولفو قويه وممتازه للسحب ولكن سوقها نازل عند البيع وعدم توفر صيانتها بشكل واسع
لاتجنب عن الاكتروس اذا حصلت نظيف

أخوي أنا مالي علم بالشاحنات لكن لي قريب عنده مؤسسة نقليات تخصص بضائع .. مالك بالطويلة أشوف كل سياراتهم مرسيدس استخدام ألماني ولا شاحنة عندهم سعودية لأن السعودي يا تأخذه جديد و لا أبعد عنه لأن أكثر المستعمل هنا يجيك دامر من الحرررر و التحميل الزائد و من سواقة البنقالية و الهنود و غيرهم دور لك على مرسيدسات ألماني نظيف ٦ سلندر وماشي قليل و بالنسبة للصيانة كل المستعمل يطلب لكن فيه شيء نظيف يطلب بالمعقول أما بالنسبة للفولفو فهو ممتاز و عملي لكن مشكلته قليل جداً اللي يفهم في صيانته بالسعودية و قطعه غالية بالحيل،،، بالتوفيق

أشتر لك فولفو موديل 2002 أوروبي
أبشرك الورش المتخصصه فيه منتشرة والقطع متوفره وأنزل الميدان و اسأل بنفسك