استفسار عن تاشيره

قصدهم تسعود التريلة بحيث يكون سواق سعودي وهذا نظام فاشل عند وزارة العمل

ممكن عندك عمال واجد لذالك يطلبون عليك سعوده

اخوي ما فهمت كلامك لكن اذا تبي سواق عندي طلبك

وعليكم السلام ورحمة الله وبركاته

وشهر مبارك علينا وعليكم وعالأمه الإسلاميه الله يتقبل

بعد ما تفك ملف بمكتب العمل تروح للتأمينات على قولك

وتروح للتأمينات وترفق أوراقك الهويه والإستماره ورقم ملفك بمكتب العمل وغيره

وبيطلبون منك عقد لموظف سعودي ترفقه مع الأوراق كإجراء روتيني

وقع عقد مع أي أحد لأن هالورقه صوريه فقط يعني حتى ترفق عقد مع عسكري ماراح يدققون 

ومن ضمن الأوراق بيطلبون تسجيل إيميلك ورقم الجوال

جهز أوراقك وسلمها للموظف المختص ونفس اليوم بعد الظهر ولا العصريه بالكثير تجيك رساله على الإيميل من التأمينات 

فيها رقم المنشأة حقك أطلع على أقرب صراف وسدد أي مبلغ عشان تتفعل منشأتك بالتأمينات والأمور طيبه سدد مقدم 3 شهور وكبر راسك


وبعدها تجيك رسالة إيميل فيها ورقه وحده تطبعها تعبيها وتختم بختم المنشأة 

وأما تراجع التأمينات بهذه الورقه وتسلمها أو عندهم رقم فاكس مخصص لأستقبال هذه الورقه

لما ترسلها مثلا فاكس تقريبا بعدها بالكثير يوم وتجيك رسالة جوال فيها اليوزر حقك والرقم السري

تدخل على النت وتضغط على خانة تسجيل موظف سعودي وقم بإدخال بياناته وخلال يوم بيكون نشيط بمنشأتك

وهذه   خدمة التأمينات أون لاين اللي بموجبها بتسجل السعودي بنفسك عن طريق النت أو غير السعودي أو الإستبعاد



التأمينات قبل شهر ونص تقريبا كانوا يوافقون أنهم يسجلون صاحب المنشأة فقط وهذي أحسن شي لأنك بتوفر بالفلوس اللي تودعها لهم

يعني لو صاحب المنشأة هو اللي مسجل كسعودي ماراح تاخذ منك التأمينات كل نهاية شهر

لكن طالما الموظف من غيرك راح تظطر كل نهاية شهر تحط مبلغ وقدره حسب راتب السعودي 

التأمينات تاخذ 20% من راتب السعودي  ...

ولازم قبل تسجل الموظف السعودي تأكد من عمره وشييك برقم هويته هل مسجل بالتأمينات أو مكتب العمل

لازم يكون العمر إكتمل 18 سنه وحاول تسجل من اللي حولك وتعرفهم تجنب تسجيل شخص ماتعرفه إلى إذا بيداوم من جد ويوقع على كل خطوه عشان لايشتكيك ويقول إستغل أسمي

وأغلب الناس صارت تسجل زوجته أمه أبوه المتقاعد اخوه أو ولد عمه المبتعث

والموظف السعودي يحسب بسعودي كامل إذا راتبه فوق 3000
ويحسب بنص سعودي إذا راتبه أقل من 3000  يعني لو تسجله راتبه 2900 بيحسب بنص سعودي لأنه ما وصل 3000

والموظف السعودي الكامل " راتبه فوق 3000 " يغطي تقريبا 9 أجانب وأحيان النسبه تفرق من نشاط لاآخر

لو ماعندك إلى عاملين ولا ثلاثه يكفيك نص سعودي  يعني سعودي راتبه أقل من 3000  سجله 1600 ويكفي نص سعودي


وعلى فكرة في كمبيوتري محتفظ ببعض الإستمارات حق التأمينات ومكتب العمل إستقدام وغيرها لو حاب هات إيميلك عالخاص أرسلها لك

وعلى فكره ترى كل المنشاءات يكون مطلوب منها بعد التأمينات تراجع مصلحة الدخل والزكاة  وتجيب شهادة تسجيل المنشأة تسلم صورة منها لمكتب العمل عشان ترفق بملفك عندهم

يا خوي فيصل كفيت ووفيت وبيض ألله وجهك 
علي ألشرح 

ياخي شوف الرد اللي من الاخ فيصل مشاء الله تبارك الله...

شوف النااس اللي من جد تحس انها فاهمه وتفيد غيرها ..

شتاان بين الشخص الخبره والشخص المهايطي اللي ماعنده الا الدجه والبزرنه

شكرا لك يااخ فيصل وحتى انا استفدت من ردك ...

شكرا أخواني عالمرور وأتشرفت بما كتبتم وجزاكم الله خير

ليس من واقع خبره طويله وسنين عجاف إنما سنه أولى مكتب عمل وملحقاته

وأي خطوة أسويها أسجل أحداثها على قولهم وأحتفظ بالأوراق 

 بيض الله وجهك يا فيصل 

انا موظف في قطاع خااص قالوا لازم تحط سعودي عشان تستقدم عامل 

تسلم

طالما  صاحب المنشأة مسجل لدى منشأة أخرى 

لابد من تسجيل سعودي لمنشأتك عاد كم موظف سعودي تحتاج تكون مرتبطه بعدد التأشيرات المطلوبه أو العماله الموجوده عالكفاله من قبل

الله يعينك ملزوم توظف سعودي بدايه أغلب شبابنا عمليين لا جاء وقت الصدق

وظف شاب يفيدك بنشاطك حتى لو من ناحية التعقيب والتسويق وغيره أنت أبخص

ولو نشاطك التجاري على قدك مثل حالي وحال أغلب الشباب ومو مستاهل المردود المالي أنك توظف سعودي

عليك بالمتقاعدين أو المبتعثين أو خريجي الثانويه اللي توه مسجل بالجامعه أو من أنقطع عنهم حافز

 ويكونون من الأقارب سواء ذكور أو إناث

يعطيكم العافية ياشباب 

انا فتحت موسسة فردية ونقلت سواق عليها وشريت تريلا والتريلا اللي شريتها ابغى اطلع عليها تاشيرة مع انو بعد شهرين تذكرت ان التريلا يطلع لها تاشيرة رحت لمكتب العمل على اساس اطلع تاشيرة قالولي موسستك حمرة لازم توظف سعودي وانا ماعندي إلا عامل واحد وكيف احولها خضرا 

صارين اسهم احمر واخضر 

ويعطيكم العافية