إستثمار مبلغ مئة الف ريال في معدة ثقيلة

المعدات راح تستخدمها الشركات وتكرفها كرف مب طبيعي وتاكد انه يبيلها صيانه وصيانتها غاليه والله ليطلعون اللي فبطنها انصحك لو تشتري كم ارض وتخليها وتنام بعد كم فتره راح تبيعها بسعر اعلى او تبقى ماسكه سعرها خصوصا اذا شريت ارض في منطقه توها ناميه وعلى بداية السكان فيها تكون الاراضي رخيصه بعد فتره المنطقه تصير كلها سكانيه وقتها تبيع الارض بسعر اغلى وشغله لافيها تعب ولاشي اشتر وخلها وانا شريت 4 اراضي والحين جاني فيها مكسب 6300 مابعت ولابعد المنطقه اللي شريت فيها توهم فاتحين فيها طرق والخدمات داخله عليها يعني كم سنه وتغلى الاراضي وابيعها بضعف سعرها وترى العقار حليل فيه مكاسب لو تفتح مكتب عقار وتشتغل انت الكسبان

فلوسك تجيب لك راس تريلة
يعني تحمل شعير من الميناء او اسمنت من المصانع اذا كنت في الغربية انا انصح بالاسمنت 

لاتاخذ شيول او بكلين كبير لان صيانة مكلفة جدا 

للأسف اخوي الاراضي مالي حظ فيها
اشوف مكسبها قليل
اشتريت ارض بوسام الطايف ومعلقة لها سنة ماقدرت ابيعها لان المخطط موقف البيع فيه
والعشوائيات اشتغلت فيها ثلاث سنوات مكسبها ما يتعدى 10 الى 15% في السنة
ومصاريفي زايدة 
متزوج  جامعي  لا وظيفة اعمال حرة فقط 

الله يعينك اجل وتلقى اعمال حره تكسب من وراها بسالواحد قبل مايشتري ارض يسئل عنها ويستفسر ويدرس اوضاعها بعين يشتري

حط في بالك ان الراس راح تأجره بمبلغ لن يقل عن 5000 ريال في الشهر
وعلى حسب النشاط 
كل تجهيز للراس له سعر يختلف في الاجار
(قلاب - وايت - ونش - سطحه - تريلا... الخ)

والافضل التريلا والوايت والسطحة (نقل الشاحنات) ويسمى ايضا الكونتينر

ميزتها دخل ثابت (اذا كنت بتأجره على احد المؤسسات)
وراح تطلع من وراه خير اذا كديت عليه بنفسك أو جبت عليه سواق وتعطيه نسبه معينه تتفق انت وياه عليها 

وحط في بالك انك تشتري مع الراس وايت أو تريلا أو أي شي ممكن يشتغل عليه المستأجر لأنها أرغب من الراس لحاله

الله يوفقك ويرزقك من واسع فضله

الله يوفقك يالغلا
 
 

قلت اشوف معدة مستعمله موديل من 2000 وفوق 
بوكلين اوشي من ها القبيل
يدخل شي ثابت شهري،، ف سنة او اكثر قليل ترجع راس مالي والباقي مكسب
بس ما ادري للحين وش المعدة او المشروع

ما انصحك بالمعدات. يبي لها راس مال يعني وحدة ماراح تستفد منها شي يسوى

أخي الغالي
يجب ألا يقل رأس مالك عن 200 الف ريال ...
الـ 100 الف يا الله تكفي راس نضيف بس لا تنسى لازم تغير كفر إذا كان تعبان ( كفر الرأس بيكلف على الأقل 10 الآف ريال ) ولا تنسى تغير فلاتر وزيوت وسيور وبطاريات وتنظيف وتسييخ رديتر وبلف حرارة وهلم جر ...
أما السطحات فأقل سطحه نظيفه مستخدم لا
تقل عن الـ 45 ألف ريال ولا تنسى الكفر والبريكات ... أما إذا فصلت جديد بتكلفك من الـ 50 الف غلى الـ 60 الف هذا طبعا من غير الكفر والجنوط .... ولا تنسى رأس مال تشتري به بضاعه وتطلع تأشيرة سائق وكذلك إحتياط للأعطال ... وغير كذه لازم تكون متوقع إن السواق يتصل عليك في أي وقت إن شاء الله في منتصف الليل ( تعطل ) واجهته مشكله معينه وهكذا ...