الفلوفو وش افضل انواعة وموديلات احترت ارجوا الرد والمشاركة

ما عندي علم عنها ولا اعرف لها 
بس لاذن الله اهل الخبرة ما يقصرون معك 

هو النوع المنتشر عندنا فوفلفو fh والمكينة 400 او 420 او 440. هذا للمناطق المستوية اما اذا كنت في الطائف وعسير والباحة افضل مقاس هو 460 وترا يتسهلك ديزل اكثر

القير اي نوع كهربائي او عادي كلها سوا هي على السواق واستعمالة

و الجنط 24 وايضا 22 .

فولفو fh ممتازة جدا ... بس لعمل القلابات حرام لانها كهرباء وتجيك منافيخ من الخلف مايجي ستت امامي وخلفي الا وارد الزاهد واسعارها فوق 180 الف ريال ونادره

واذا بتشغلها قلاب اهم شي تكون سست من الامام وعادي المنافيخ خلف بس افضل السست , و السست تتكسر برضوه لوزادت الحموله بس نادرا جدا .... يعني من الخلف مافي مشكلة .

قطع غيار فولفو اغلى من المرسيدس .

والغمارة العادية افضل من الطويلة .

وانا انصحك بالفولفو fh420 افضل بكثير ولافية عيوب والحمل قد ماكان ثقيل في الطلوع يروح ولا يرفع حرارة و السعر مناسب جدا

جزاكم الله خير ماقصرتوا

وارد الزاهد
Fh440
وهي المرغوبة
بعدها
420اوروبي
بعدها 380وتجي زاهد وأوروبي 
460 أوربي وغير مرغوب في السوق
Fm ماتصلح للخطوط

انصحك بfh12الكل يمدحوها وتتحمل 

الله يرزقك ويوفقك ياراعي الموضوع

عندي سؤال بنفس الموضوع
الراس الفولفو الامريكي (البوز) الي يجي محورين خلفية

هو نفس السعودي والاوروبي كمحركات وقطع لكن وش رايكم في استخدامه ؟؟

صراحة فرق السعر بينه وبين الاوروبي مب شوي 
والسعودي اسعاره فوق

ياجماعة لاتتفلسفون بدون خلفية كاملة عن الموتر 

الفولفو كالتالي:
بالنسبة للfh 
من مو ديل ٩٦ الى موديل ٢٠٠٥
FH12
وأتى منه عدة محركات 
340-380-420-460-520
وهذة الأرقام ترمز للhp-horse power
أي القدرة الحصانية 
ومن موديل٢٠٠٦ وطالع
أتى fh 13
وهي مكتوبة عالغمارة FH فقط بدون ١٣
وأتت منها محركات عدة 
400-440-480
وأما الfm
فمحركاتها تأتي مثل جميع ماسبق ذكرة 
ولا يوجد عنها أي إختلاف يذكر عدى قربة الموية 
اختلف مكانها بسبب صغر الغمارة 

فالشخص اللي يقول ماتصلح خط او ماتنفع هذا ماعنده سالفة 
ولا يفهم في الشاحنات

اما بالنسبة للFH16 هذة موضوعها غير تماما 
هذا شيخ الشاحنات بلا منازع 
ولكن يعيبه عدم توفر بعض قطع غياره 

وجميع ماذكر أعلاه يأتي  ٦سلندر بما فيهم FH16

ولايوجد اختلاف بين محركات fh12 
سوى في البرمجة وطرملة الديزل
وكذلك fh13

والفرق الجوهري بين fh 12وfh13
هو أن صدر مكينة الأولى في وجه السيارة وهذا الأفضل

أما fh13
فالمكينة تأتي عكس بالمقلوب أي ان صدر وبكراتها وعدتها كلها ورا
وهذا يشكل عيب برأيي في هذا الطراز من صعوبة صيانة وغير ذلك

أرجو اني كفيت ووفيت 
فإن اصبت فمن الله 
وان اخطأت فمن نفسي والشيطان

إذا انت جديد في المجال ابدأ بfh12 
أو fm 12 وبالتوفيق

ياعتيبي
الله يسلم قوقل
أم انا فاكتب عن تجربه
بالنسبه لفلسفتك
في fh13
وغيرها ترا حن نعرفها 
لاكن انا اذكر السيارات الدارجه عندنا في السوق
وفي الشغل
Fmأكثر ماتستخدم للخلاطات وقلابات
وليست للسفريات يا فهمان
وخل عنك الفلسفه وانت من جنبها

كفيت ووفيت ياعتيبي وجزاك الله خيرا على التوضيح. 

Fh420 وايت وشوقعها

استفسار وش معنى تربو كهرب 
وش الافضل

طيب نوع ٣٨٠ وش من لحيه

توضيح الاfmقطعها تختلف عن fh وحتى بسعرالقطعfnاغلا

الفولفوا القديم موديل 92وش رايكم فئة

شو رايكم في فولفو مديل 2004 موصفات زاهد حجم مكينه 380
وشو عيوبها