عندي مشروع وابي شوركم

مادام راس مالك بحدود 150 اقل شيء ليه ماتفتح مغسلة ملابس بحدود 50 وتدخل عليك شهريا حدود 4-5 واذا اعجبتك الفكرة تقدر تتوسع وانتبه تفتح اكثر من محل مرة وحدة 

بمجرد انك تفكر بهالتفكير ارفع لك القبعه

اما بخصوص سوالك اتوقع تعطيها للشركات اللي يشتغلون بالطرق 

واحسن الشركات هي اللي ماسكه مشاريع طريق الرياض الشرقيه

لكن يبي لك وقت حتى ترجع راس مالك 

ولو تستشريني اقول اذا تبي الارباح على المدى الطويل توكل على الله

اما اذا تبي الارباح تشوفها بالوقت القصير عندك رأي ابو ابراهيم المغسله والحلاق مشاريع حلوه

اخوي اكثرهم ياجرون تريلات وهذي يبيلها صيانة دورية والان التريللات متواجدة بكثرة موب زي اول انصحك غير مشروعك وزي ما قال ابو ابراهيم مغسله مناسب جدا خصوصا ان ما فيه تكلفة واجدة .

وعليكم السلام

في بعض الشركات الكبار انت تشري التريلا  وتاجره عليهم بعقد 

وفي بعض الشركات اذا معك عمومي ثقيل توظفك سواق  + التريلا الي معك 

تطلع ذهب 

افتحلك مغسله سيارات وخلها باسعار معقوله
الحين اغلب مغاسل السيارات شاطحين بالاسعار ,, لا اوصيك فيهم

وعليكم السلام ورحمة الله وبركاته

ياخوي كلامك يدل إن ما عندك خبرة في هذا الموضوع
يعني مجرد دخولك في هذا المشروع يعتبر مخاطرة كبيرة

التريلة يبيلها ميزانية للصيانة وقبل كل شي يبيلها سواق محترف
إنت لو أجرتها لشركة ممكن يستلمها سواق يجيب أجلها إضافة إلى أن أغلب الشركات تتحمل صيانات خفيفة
مثل تغيير زيوت وكفرات وأشياء بسيطة

ثانياً لازم تعرف إن أغلب الشركات شغلهم في أماكن وعرة عشان الردميات والصخور
وروس التريلات أغلبها تجي سست في الأمام ومنافيخ في الخلف يعني ما تتحمل البطناج
وإذا خرب عليك واحد من المنافيخ عز الله ما بتقوم إلا بالمبلغ الفلاني

باختصار المشروع يبيله خبرة وأكثر من تريلة عشان لاقدر الله لو تعطلت واحدة تكون عندك إجار الثانية تصلح فيه العطلانة

إذا كان ودك تدخل هذا المجال فنصيحة مني
اشتر تيدر قلاب فقط وأجره بيطلع لك في الشهر من 3500 إلى 4000
وأسعاره بحسب الحجم وحسب النظافة وسمك الحديد المستخدم يعني تقريباً بحول 60 ألف بتلقى شي نظيف

والله يوفقك

شوف قبل تشتري حاول تدبر لك شركه مضمونة تدفع لك فلوسك

اعرف ناس كثيرررررررررررررر يطاردون في المحاكم ورى الشركات مادفعو لهم ولاريال كذا لعانة عيني عينك

لهم سنين ماشافو ريال واحد

او اذا بتشتغل بنفسك بالرد اوك مو مشكله خذ لك 

اخوي ما انصحك وانا شغال بهل شغلة سرقة على عينك لو بتحط عليها سواق حيسروقها علشان ماهي حقو  كل السواقين حرامية رفال نهاية يسوي حادث بروحها تشليح بأكثر الحوادث  وبعدين مو حقو بحرقها يصدمها ولا عندو مشكلة  احسلك ابعد عن التريلات. فك محل. او بقالة اصرف بكثير