ابترزق الله وبستشريكم في موضوع

19 2

لايمكنك التصويت حتى الحصول على 20 نقطة على الأقل
إضغط هنا للإخفاء

الله يجعل المعونه 294
قبل 9 سنه و 11 شهر

سلام عليكم

ف البدايه كان عندي طموح امتلك تريله بذلت جميع الاسباب

سددت مخالفات كانت علي ودرست ٣٠ يوم واستخرجت الرخصه الثقيل

حاولت عن طريق البنوك اطلع لي قرض وفشلت جميع محاولاتي والسبب ضعف الراتب + الشركه ماهي موقعه

على اتفاقيه مع البنوك يئست من الامر وقدر الله وتوظف اخوي في شركه كبيره والحمد لله طلع قرض اعطاني

منه مبلغ ٦٠ الف بحثت بالمبلغ ذا على تريلات وكان المبلغ الي معي مناسب لشراء تريله نوع مان

واثناء البحث ف الموقع لقيت اعلان عن مان مديل ٢٠٠١ وكلمت راعيها واتفقنا على مبلغ ٦٠ وسالته عنها

قال مشروطه قبلها مريت على كل المكنيكيه وكل ما سالتهم عن المان قالوا اشرد عنها

اتصلت ف الرجال وارسل لي السواق بالتريله ركبتها وكانت عباره عن مزبله من الداخل والخارج

ومفكفكه وحالتها سيئه سقتها وكان دركسونها يلعب ف يدي قاعدته مكسوره ومن بعدها طلعت من راسي

سالفة التريلات احس انها كبيره علي ويبغالي راس مال اضافي عليها لاقدر الله طرا فيها عطل واتورط

استشرت ناس قالوا ابد بشي بسيط مثال تشريلك سطحه وتحمل فيها سيارات يحلفون ان فيها ذهب ويوميتها ما تقل

عن ال ٥٠٠

دورت ف الموقع عن اعلانات سطحات وطلع لي اعلان اعجبتني السطحه الي فيه سطحه هدرلك كامل مريحه بالنسبه لي

ف انتو وش رايكم في سعرها احس انه مبالغ فيه ووش الافضل هذي ولا السطحه العاديه

شورو علي اتوكل على الله وابدا في موضوع السطحات ولا ابحث عن شيء افضل

شغلتي حالياً تكسي ف اليوم اقفل على ١٥٠ - ١٧٠ لاكن احس انها قليله ودي بدخل افضل

مالنا غنى عن ارائكم 


هذا رابط السطحه الي للبيع

http://haraj.com.sa/114177674/%D8%B3%D8%B7%D8%AD%D9%87_%D9%87%D9%8A%D8%AF%D8%B1%D9%88%D9%84%D9%8A%D9%83_%D9%85%D9%88%D8%AF%D9%8A%D9%84_2010_%D9%85%D9%83%D9%8A%D9%81%D9%87_%D8%B9%D8%AF%D8%A7%D8%AF110%D8%A8%D8%B3%D8%B9%D8%B1_%D9%85%D8%BA%D8%B1%D9%8A_%D8%A8%D8%AD%D8%A7%D9%84%D9%87_%D9%85%D9%85%D8%AA%D8%A7%D8%B2%D9%87/

إبلاغ

الردود